Monday, June 30, 2014

လောကဓံတရားနှင့် ထမင်းစားနည်း ဟင်းစားနည်း


လောကဓံတရားနှင့် ထမင်းစားနည်း ဟင်းစားနည်း

တို့သာသနာမှာ သူတော်ကောင်းတစ်ပါးပါးက တစ်ခွန်းပြောရင် အဲဒီတစ်ခွန်းလိုက် လုပ်လိုက်စမ်းပါ။ သူတော်ကောင်းတို့ရဲ့  စကားတစ်ခွန်းကို သဘောပေါက်အောင် နာလိုက် စမ်းပါ။ ကြားရုံနဲ့မပြီးဘဲ နာလိုက်စမ်းပါ။ နာလိုက်စမ်းပါ ဆိုတာ ကြားရုံနဲ့ မပြီးဘဲ လိုက်နာ အားထုတ်လိုက်စမ်းပါလို့ ပြောနေတာနော်။

လောကမှာ ဓမ္မဆိုတာရှိပြီးသား။ လောကနဲ့ ဓမ္မ ပေါင်းလိုက်တော့  "လောကဓ"ံ ဆိုတဲ့ စကား ဖြစ်လာတယ်။ လောကဓံတရား ရှစ်ပါး၊ အကောင်းလေးပါး၊ အဆိုးလေးပါး ကြုံကြရမှာ ပဲ။ လူရယ်လို့ ဖြစ်လာရင်  အကောင်းနဲ့ မကြုံ  အဆိုးနဲ့ကြုံ ရမှာပဲ။ အာရုံတစ်ခုဆိုတာ ကြိုက်ရင်ကောင်းတယ်။ မကြိုက်ရင် မကောင်းဘူး ပြောမှာပဲ။

ဥပမာ အမဲသားဆိုပါတော့ ဟိန္ဒူကို သွားကျွေးရင် မကောင်းဘူး ပြောမှာပေါ့။ မူဆလင် သွားကျွေး တော့ ကောင်းတယ်ပြောမှာပေါ့။ ကောင်းတယ်မကောင်းဘူး ဆိုတာကို အမဲသားက လုပ်နေတာ မဟုတ်ဘူး။ ကိုယ့်အာရုံက လုပ်နေတာ။ ဒီလိုပဲ ၀က်သားဆိုပါဆို့။ မူဆလင် သွားကျွေးရင် မကောင်းဘူး ပြောမှာပေါ့။ တရုတ်ကြီးသွားကျွေးတော့ ကောင်းတယ်ပြောမှာပေါ့ ။ ကြိုက်လို့ ကောင်းတယ်ပြောတာ လောဘကထွက်ပြောနေတာ ။ မကြိုက်လို့ မကောင်း ဘူးပြောတာ ဒေါသက ထွက်ပြောနေတာ။ ဒီတော့ကောင်းဆိုးလောကဓံ ဆိုတာ အပြင်ကဖန် ဆင်းတာလား? ။ တို့စိတ်က လုပ်နေတာလား?။ "စိတ်ကလုပ်နေတာပါဘုရား"

ပြီးတော့ နောက်ပါ လောကဓံ ဆိုတာ ရှိသေးတယ်။ ဘ၀သံသရာက ပြုကျင့်ခဲ့တဲ့ ကံအကျိုးပေး တွေလေ။ ကိုယ်က ကောင်းခဲ့တဲ့သူနဲ့ ဒီဘ၀ပြန်တွေ့တော့ ကိုယ်ကောင်းကြောင်း ပြောမှာပေါ့ ။ ကိုယ့်အပေါ်ပြန်ကောင်းမှာပဲ ။ ကိုယ်က နာအောင်လုပ်ခဲ့တဲ့သူနဲ့ ပြန်တွေ့တော့ ကိုယ့်အပေါ် ပြန်ဆိုးမှာပဲ။ ထို့နောက်မှာ လိုလားသူနဲ့ မလိုလားသူဆိုပြီး နှစ်ခု နှစ်သင်း ရှိနေ တတ်တယ် ။ အဲဒီ့ အကောင်းအဆိုးတွေက လွတ်ပြီးနေနိုင်ရဲ့ လား။
"မနေနိုင်ပါဘုရား "

အကောင်းအဆိုးလောကဓံ ကရှိနေမှာပဲ ။ သူ့အလုပ် သူလုပ်နေတာ ။ ကိုယ်က လွတ်အောင် သွားနိုင်ဖို့ အရေးကြီးတယ် ။ လောကဓံဆိုလိုက်တာနဲ့ တွန့်တွန့်လူး ဒုက္ခရောက်မှ လောကဓံ လို့ထင်နေကြတယ်။ သုခချမ်းသာလို့ ဆိုတဲ့ အကောင်းနဲ့ တွေ့တုန်းကတော့ ငြိမ်ခံနေပြီး ဒုက္ခနဲ့တွေ့မှ တုန်လှုပ်နေကြတာ။ တကယ်တော့ အကောင်းလောကဓံကို မတုန်လှုပ်ရင် အဆိုးလောကဓံ ကိုလည်း မဖြုံအပ်ပါဘူး ။ ပြောမယ်ဆိုရင် အဆိုးလောကဓံ ဆိုတာ ရန်သူမဟုတ်ဘူး။ မိတ်ဆွေ အကောင်းလောကဓံက တို့ကို ဖျားယောင်းနေတာ ။ သုခဆိုတာ ကောင်းကောင်းလေးနဲ့ တူးဖြို နေတာ။ ဆေးရုံမှာ မေ့ဆေးပေးပြီး ခွဲစိပ်လို မျိုး ။ သုခရော ဒုက္ခပါ ဒဏ်ရာကတော့ ကျန်ခဲ့မှာပဲ။

ဘယ်သူ့ကို မိတ်ဆွေထင်သလဲ ။ ဘယ်သူ့ ကိုရန်သူထင်သလဲ ။ ဒုက္ခနဲ့ သုခကို အတူထား နိုင်ပါ့မလား ။ ဒုက္ခက ဒုက္ခမှန်းသိတော့ တစ်ခါကြုံဖူးရင်ေ၇ှာင်တယ်။ သုခက တစ်ခါနဲ့မပြီးဘူး။ သုခက ဖျက်တာခံ နေရတာ ။ သုခက ရန်သူလား ?။ မိတ်ဆွေလား?။ "ရန်သူပါ ဘုရား " တို့ရှေ့ မို့ပြောတာ နေမှာပါဗျာ ။ ဒုက္ခက မိတ်ဆွေ ၊ ဒုက္ခမှန်းသိောအာင် ပြနေတာကိုး။ သုခကတော့ လိမ်နေတာ ။ ဒုက္ခကိုဖုံးထားပြီး အကောင်းလို့ ထင်အောင် လ်ိမ်နေတာ။

ပြီးတော့ အာဂန္တုလောကဓံခေါ်မှာပေါ့ ။ ရှေ့ မှာ "ဥတု" ကလည်းစောင့်နေတာနော်။ ဥတုကလည်း ဖျက်မလို့စောင့်နေတာ ။ ဥတုကြမ်းနဲ့ တွေ့တော့မယ် ။ လာနေပြီ ။ မေ့မေ့ကြီးနဲ့ သွားရင် ဥတုကြမ်းနဲ့ ၀င်တိုးတော့မှာ ။ ဥတုကြမ်းသလောက် အစာကြမ်းကလည်း ဖျက်မလို့ စောင့်နေတာ ။ အစာတွေကြမ်းလာပြီ ။ "စားရဲ စားကြည့်" စိန်ခေါ်နေပြီ ။ ကိုယ့်ပတ်ဝန်းကျင် မှာလည်း ဆက်ဆံရမှာက လူကြမ်း စိတ်ကြမ်းတွေ။ သွားတတ်မှ မသွားတတ်ရင် ချော်လဲတယ်။ အဆိုးဘက်လည်း လဲနိုင်တယ်။ အကောင်း ဘက်လည်းလဲနိုင်တယ်။ အဆိုးအကောင်းရှောင်ပြီး တည့်တည့်သွားမှ မလဲမှာ ။

လောကဓံဆိုတော့ လူတွေချည်းကြုံရတယ် မထင်လေနဲ့ ဘုရားသော်မှ လောကဓံ ကြုံသွားရတာပဲ ။
လူနတ်ဗြဟ္မာတို့ရဲ့  ပူဇော်အထူးကိုခံရတာက အကောင်းလောကဓံ။ အကောင်းဘက်မှာလည်း ဒို့ထက်ပိုခံရတယ်။ အဆိုးဘက်မှာတော့ မပြောနဲ့တော့ ။ ဘုရားက ပိုခံရတယ် မှတ်လိုက်ပါ ။ မြို့လည်ကောင် ဆင်နဲ့တိုက်သတ်ခံရတာ ဘယ်သူကြုံဖူးလို့လဲ ။ ဘုရားကြုံရတယ်။ လူပုံအလယ်မှာ ဘုရားနဲ့ရတဲ့ ဗိုက်ပါဆိုပြီး စိဉ္စမာနလာပြီး အရှက်ခွဲတာ ကြုံရတယ်။ ဒါကအောင်ခြင်း ရှစ်ပါးထဲပါတာလောက်ပြောတာ။ တစ်ခြားလောကဓံတွေ ရှိသေးတယ်။

ဘုရားရဟန္တာနဲ့ သူတော်ကောင်းကြီးများဟာ အကောင်းလောကဓံနဲ့ ကြုံ ကြုံ အဆိုးလောကဓံနဲ့ ကြုံ ကြုံ မတုန်လှုပ်တတ်ကြဘူး။ သနပ်ခါးလူးပေးလို့လည်း ပြုံးမပြဘူး ။ အိုးမဲသုတ်တော့လည်း မဲ့မပြဘူး ။ အကောင်းအဆိုးလောကဓံ အပေါ်မှာ စိတ်ကို အညီအမျှထားတယ်။ လောကမှာ လောကစစ်နဲ့ လွတ်သူမရှိပါဘူး ။ လူ့ဘ၀ သက်တမ်းတိုလေးမှာ ချမ်းသာအောင် နေတတ်ရမယ်။ မနေတတ်ရင် ပစ္စည်းရှိလေ ဆင်းရဲလေ။

တို့မေတ္တာပို့တဲ့အခါ "သုခိ အတ္တာနံ ပရိဟရန္တု" ဆိုတာ ဘာကိုပြောတာလဲ ။ "မိမိကိုယ်ကိုယ်ချမ်းသာအောင် ဆောင်ရွက်နိုင်ကြပါစေ ကုန်သတည်း " လို့ပြောတာ။ ဒီလိုဘာလို့ မေတ္တာပို့ရသလဲ ဆိုတော့ ဒုက္ခပေးမှာက မိမ်ိကိုယ်တိုင် ဖြစ်နေလို့ပဲ ။ ရန်သူဟာ မိမိကိုယ်တိုင် ဖြစ်နေလို့ပဲ ။ ဒီတော့ ဒုက္ခ ဆင်းရဲ အစားသုခချမ်းသာ ဖြစ်အောင် ဆောင်ရွက်ကြရမယ် ။

ကိုယ့်ကိုယ်ကိုယ် ဒုက္ခရောက်အောင် လုပ်နေတဲ့အထဲမှာ ဒုက္ခ အပေးဆုံးက ''အတွေး ''ပဲ ။ ''အတွေး'' သည် ဒုက္ခ အပေးဆုးံ။ လုပ်စရာရှိတာ လုပ်နေ ဘာမှမဖြစ်ဘူး ။ ရှေ့ ကြိုတွေး နောက်ပြန်ပြီး စမြုံ့ ပြန်နဲ့ အတွေးက ဒုက္ခပေးနေတာ။ ဒုက္ခတွေကိုယ်ဟာကိုယ် ရှာထားကြတာ ။    '' ကြိုက်တာ တစ်ခုရဖို့ မကြိုက်တာ ဆယ်ခုလောက်နဲ့ရင်းပြီး ရှာထားကြတာ'' ။

အတွေးနဲ့ ခံစားသူက မတွေ့ခင်က လှုပ်နေပြီ ။ အရှိအတိုင်း (အတွေးမပါပဲ ) ခံစားသူက မလှုပ်ဘူး။ ဒီတော့ လောကဓံနဲ့ ကြုံဆုံရာမှာ ထမင်းစားသလို ကျင့်လိုက်ပါ။ ဟင်းစားသလို မကျင့်ပါနဲ့ ။ ထမင်းစားတာ ထမင်းမှာ အရသာခံတာ ရှိသလား။
"မရှိပါဘုရား"

ဟင်းမှာသာ အရသာခံစားတာ ။ ချိုချဉ်ဖန်ငန်စပ် စသည်ဖြင့် အရသာခံတာ ဟင်းမှာပဲ အရသာခံစားတာ မဟုတ်လား။ ဒီတော့ ရပ်ရွာထဲမှာ ဘယ်လိုကျင့်နေသလဲ ။ ထမင်းစားသလို ကျင့်နေသလား ။ ဟင်းစားသလိုကျင့်နေသလား။
 "ဟင်းစားသလိုကျင့်နေပါတယ်ဘုရား"

ဟင်းစားသလိုကျင့်တော့ ကောင်းတယ် ဆိုးတယ် ကြိုက်တယ် မကြိုက်ဘူး ဆိုတာတွေ ဖြစ်လာတာပေါ့ ။ ကောင်းဆိုးနဲ့ ကြုံလို့ စိတ်တွေတုန်လှုပ်နေကြတာ ။ ဘုရားရဟန္တာ သူတော်ကောင်းကြီးတွေဟာ ကောင်းဆိုးဘယ်လိုကြုံကြုံ မတုန်လှုပ်တော့ဘူး ။ သုခဖြစ်အောင် မလုပ်လို့ ဒုက္ခလည်းမဖြစ်တော့ဘူး ။ စိတ်ကို ပစ္စုပ္ပန်တည့်တည့် ထားနိုင်လို့ "သုခိအတ္တာနံ ပရိဟန္တု" ကိုယ့်ကိုယ်ကိုယ် ချမ်းသာအောင်ဆောင်နိုင်ကြပြီ ။

ဒို့လူတွေမှာတော့ ကိုယ့်ကိုယ်ကိုယ် ချမ်းသာအောင် မဆောင်နိုင်ကြသေးဘူး။ ဆင်းရဲ အောင်ပဲ ပြုကျင့်နေကြတယ်။ အရိပ်မရှိတဲ့ခရီး ကြမ်းကြမ်းနှင်ရဦးမှာနော်။ ဥတုကြမ်း အစာကြမ်း စိတ်ကြမ်း လူကြမ်းတွေကို ကြုံရဦးမှာ ။ ဒီလိုကြုံရင် ခံနိုင်ရည်ရှိအောင် ခုကတည်းက လေ့ကျင့်ထားရမယ်။ ဘာကိုလေ့ကျင့်ရမလဲ ဆိုတော့ ( မတွေးဖို့ တစ်ခု လေ့ကျင့်ပေးစမ်းပါ )။

ဥပုသ်စောင့်ပါ၊ ရိပ်သာဝင်ြ့ပီးအားထုတ်ပါ ။ ပြောနေတာမဟုတ်ပါဘူး ။ အတွေးမရှိပဲ နေတတ်ဖို့ ပြောနေတာပါ။ တွေးမိတာနဲ့ စိတ်သည်အာရုံနောက် ပါသွားပြီး အာရုံလှည့်စားတာ ခံရပါတော့မယ်။
စိတ်ရဲ့ သဘောကတော့ သိပေးရုံပါပဲ ။ အကြိုက်က ကြိုးကိုင်လိုက်တော့ " ကြိုက်သိ" ဖြစ်သွား တယ်။ မကြိုက်နဲ့ ပေါင်းမိတော့ "မကြိုက်သိ" ၀င်လာတယ်။

စိတ်ကိုချယ်လှယ်နေတာက စေတသိက် ၅၂ ပါး ။ အဲဒီ့ ၅၂ ပါးမှာ ခန္ဓာနဲ့  ဓါတ်ကြောင့် ဖြစ်တဲ့ ၂၇ ပါးက ကြိုးကိုင်ချယ်လှယ်နေတာ။ ဒါက ခန္ဓာရလိုက်ကတည်းက  အလိုလိုပါလာတဲ့ ဓါတ်သဘော တွေပဲ။ ဓာတ်ရုပ် ဓာတ်ဥာဉ် ဓာတ်ကောင်ဆိုတာ ဓာတ်သွေးတောင်းတာ လုပ်နေရမှာပဲ။ ဓာတ်သွေးတောင်းလို့ ဓာတ်ဥာဉ်လိုက်ပြီး လုပ်မိသမျှဟာ အကုသိုလ်ပဲ ဦးတည်နေတာပေါ့ ။

ကုသိုလ်တရားဖြစ်တဲ့ သဒ္ဒါ သီလ သုတ စာဂ စတဲ့သူတော်ကောင်းတရားတွေ ဆိုတာက ''ကျင့်ယူရတာ'' ။ ဗုဒ္ဓ ဘာသာဖြစ်မှ လုပ်နိုင်တဲ့ ကုသိုလ်တရားတွေ။ ဒီကုသိုလ်တရားတွေကို ဘုရားရှင်က အမွေပေးသလို ပေးရစ်တော် မူခဲ့ပါတယ။် တို့ဒကာ ဒကာမတွေ ယူပြီးပလား ။ ယူကြဗျ။ မယူကြသေးတာ ကိုယ့်သတ္တိကိုယ် မယုံလို့ပဲ ။

လူဆိုတာ ကိုယ့်ကိုယ်ကိုယ် အချစ်ဆုံးမဟုတ်လား ။ ဒီခန္ဓာ ကိုယ်ကြီး ချစ်နေတာ ကြိုက်ချစ်လို့ ခေါ်တယ်။ ခန္ဓာ ကိုယ်ကြီး သနားနေရင် သနားချစ် လေးနဲ့ ပြုပြင်ပေးကြစမ်းပါ ။ ဘယ်လိုပြုပြင်ရမလဲဆိုတော့ ဓာတ်ဥာဉ် ဓာတ်သွေး တောင်းတဲ့ အတိုင်း အတွေးနဲ့လိုက်မလုပ်ဘဲ အတွေးမ၀င်အောင် သတိနဲ့ ပြုပြင်ပေးကြဖို့ ပြောတာပါ ။

ဒီလိုအတွေးမ၀င်အောင် ထမင်းစားတဲ့စိတ်မျိုး ။ အရသာမခံ စိတ်မျိုးကသာ တာဝန် ယူနိုင်ပါတယ်။
ဟင်းစားသလို အရသာခံစားနေရင်တော့ ကောင်းဆိုးလောကဓံတွေ ကြိုက်မကြိုက်လောကဓံတွေ ကြုံရပါလိမ့်ဦးမယ်။ လက်ရှိကြုံနေရတဲ့ လောကဓံနဲ့ သံသရာ ဘေးဆိုးကြီးက လွတ်ချင်တယ် ဆိုရင်တော့ ထမင်းစားတဲ့စိတ်မျိုး ထားရပါလိမ့်မယ်။ ဟင်းစားတဲ့ စိတ်မျိုးနဲ့ဆိုရင်တော့ လောကဓံနဲ့ တွေ့တိုင်း တုန်လှုပ်နေကြမှာဗျ။

ဒီတော့ ဒို့ဒကာဒကာမတွေ ဘယ်လိုစိတ်မျိုးထားကြမှာလဲဗျ။ ထမင်းစားတဲ့ စိတ်မျိုးထားနိုင်အောင် ကြိုးစားကြ ။

သာဓု …. သာဓု …. သာဓု ပါဘုရား ။

(မဟာဗောဓိမြိုင် ဆရာတော်ဘုရားမှ မဟာမြိုင်တောကြီးမှာဟောတော်မူသောတရားများ
(မောင်သွေးချွန်) စာအုပ်မှ ကူးယူဖော်ပြပေးပါသည်။)

by Favorite Collections


Sunday, June 29, 2014

ကုသိုလ်ဖြစ်ရန် လိမ်လည် လှည့်စားခြင်း

ကုသိုလ်ဖြစ်ရန် လိမ်လည် လှည့်စားခြင်း 


၁။ လူတဦးတယောက်အား ကုသိုလ်ရပါစေခြင်းအကျိုးငှါ လိမ်လည်လှည့်ဖြားမိသည်ဆိုလျှင် ထိုလိမ်သူမှာ မုသာဝါဒကံ ထိုက်ပါသလား။
၂။ သာသနာတော် စည်ပင်စေရန် လူငယ်လူရွယ်တို့အား လောကုတ္တရာဘက်သို့ အာရုံစိုက်လာစေရန် ၄င်းတို့အကြိုက် ( ဥပမာ-နစ္စ၊ ဂီတ၊ စသည်တို့နှင့် ) ဖြားယောင်းသွေးဆောင်၍ စည်းရုံးလှုံ့ဆော်ခြင်းသည် အပြစ်ရှိပါသလား ဘုရား။
( မောင်ဆွေတင့်-မြို့နယ်ပညာရေးမှူးရုံး၊ ရွှေတောင်မြို့ )


( ဖြေ )။ လိမ်လည်လှည့်ဖြားခြင်း မုသာဝါဒကံမှာ
၁-မဟုတ်မမှန်သော ၀တ္ထုလည်းဖြစ်စေ၊
၂-ချွတ်ယွင်းစေလိုသော စိတ်ရှိသည်လည်းဖြစ်စေ၊
၃-ကိုယ်နှုတ်နှစ်ပါးတွင် တပါးပါးဖြင့် သိအောင်လည်းပြုစေ၊
၎-တပါးသူက ပြုသည့်အတိုင်း သိလည်းသိစေ-
ဤအင်္ဂါလေးပါးနှင့်ညီလျှင် မုသာဝါဒဖြစ်ပါသည်။
သို့သော် သူတပါးအကျိုးပျက်စီးမှု အကြီးအသေးပေါ် မူတည်၍ အပြစ်အကြီးအသေး ကွားခြားနိုင်ပါသည်။

လူတဦးတယောက်အား ကုသိုလ်ရပါစေခြင်းငှါ-ဟု ရည်ရွယ်ချက်ရှိ၍ ပြောဆိုခြင်းမှာ အပြစ်မကြီးဟု ဆိုနိုင်သည်။ သို့သော် လိမ်လည်မှုအစား ပရိယာယ်ပြုခြင်းမျိုးကို ပြုလုပ်သင့်ပါသည်။
သာဓကမှာ-တမ္ဗဒါဌိက ခိုးသားကြီးသည် အရှင်သာရိပုတ္တရာအား တပည့်တော် ငါးဆယ့်ငါးနှစ်ပတ်လုံး လူသတ် ခဲ့သည်မှာ ကိုယ်သတ်ချင်၍ သတ်သည်မဟုတ်၊ ရှင်ဘုရင် သတ်ခိုင်း၍ သတ်ရပါသည်၊ တပည့်တော်မှာ အပြစ်ရှိပါသလား-ဟု ဆိုသည်၊


ဤတွင် အပြစ်ရှိသည်ဟု ပြောလျှင် ၄င်းခိုးသားကြီး စိတ်လှုပ်ရှား၍ တရားမနာနိုင်ဖြစ်ကာ ကောင်းကျိုးမရဖြစ်မည်ကြောင့် ရှင်ဘုရင် သတ်ခိုင်း၍ သတ်ခြင်း၌ သင့်မှာ အပြစ်ရှိနိုင်ပါ့မလား-ဟူ၍ ရှိသည်ဟုလည်းမဆို၊ မရှိသည်ဟုလည်းမဆို၊ ပရိယာယ်အမေးစကားဖြင့် ဖြေလိုက်သည်၊ ပညာနည်းသော ခိုးသားကြီးစိတ်တွင် ငါ့မှာ အပြစ်မရှိဘူး-တဲ့ ဟု သိမြင်သွားကာ ကောင်းစွာ တရားနာနိုင်၍ တမလွန်ဘ၀တွင် တုသိတာနတ်ပြည်သို့ ရောက်သွာရပေသည်။

၂။ ဇနပဒကလျာဏီအား စွဲလမ်း၍ ရဟန်းတရား အားမထုတ်နိုင်သော ညီတော် နန္ဒ-ရဟန်းအား မြတ်စွာဘုရားက နတ်ပြည်ခေါ်သွားကာ နတ်သမီးများကိုပြရာ ဇနပဒကလျာဏီ အစွဲပျောက်ပြီး နတ်သမီးများအား စွဲလမ်းသွားသည်၊ ဤတွင် ရဟန်းတရားအားထုတ်လျှင် ဤနတ်သမီးများကို ရနိုင်ကြောင်း မြတ်စွာဘုရားက နတ်သမီးဖြင့် သွေးဆောင်၍ တရားအားထုတ်စေသည်၊ ညီတော်နန္ဒလည်း တရားအားထုတ်ကာ ရဟန္တာအဖြစ်သို့ ရောက်သွားပါသည်၊ ဤသို့ ဆူးတချောင်းစူးသည်ကို ဆူးတချောင်းဖြင့် ထွင်သည့်သဖွယ် ပရိယာယ်ဖြင့် ဖြားယောင်းသွေးဆောင်၍ လောကုတ္တရာဘက်သို့ ရောက်စေသည်မှာ အပြစ်ရှိသည်ဟု မဆိုနိုင်ပါ။


ဆရာတော် တိလောကသာရ (ရဝေထွန်း)

Saturday, June 28, 2014

သားကောင်း သမီးကောင်း ရလိုလျှင်


သားကောင်း သမီးကောင်း ရလိုလျှင်

မိဘနှင့် သားသမီး ရွေးချယ်ခွင့်။ ။

လောကထဲရှိ လူသားတိုင်းသည် မိမိထံသို့ ရောက်ရှိလာမည့် သား သမီး များကို ယဉ်ကျေး လိမ္မာသော သား သမီး၊ ပညာတတ်သော သား သမီးမျိုးကို လိုချင်ကြမည်သာ။ ရွေးချယ် လိုကြမည်သာတည်း။ ထို့အတူ လူလောကထဲသို့ ဝင်ရောက်လာကြမည့် သား သမီးများသည်လည်း အဖေ အမေကို ယဉ်ကျေး လိမ္မာသော အမေအဖေ၊ ပညာတတ်သော အမေအဖေ၊ ချမ်းသာသော အမေဖေတို့ထံ လာရောက်လိုကြမည်သာ။ ရွေးချယ်လိုကြမည်သာတည်း။ သို့သော် ရွေးချယ်ခွင့် ရှိ မရှိ သိလိုကြပေမည်။

ဘုရားအလောင်းနှင့် ကြည့်ခြင်းကြီး(၅)ပါး

မြတ်စွာဘုရားအလောင်းတော် သိဒ္ဓတ္ထ မင်းသားဘဝသို့ မရောက်မီ တုသိတာ နတ်ပြည်တွင် သေတကေတု နတ်သား ဖြစ်နေခဲ့သည်။ စကြာဝဠာ တစ်သောင်းမှ နတ်ဗြဟ္မာအပေါင်းတို့ သေတကေတု နတ်သားကို လူပြည်မှာ ဘုရားရှင်ဖြစ်ရန် အချိန်တန်ပြီဖြစ်ကြောင်း ဝိုင်းဝန်း တောင်းပန်ကြ၏။ ဘုရား အလောင်းတော် သေတကေတု နတ်သားသည် တောင်းပန်မှုကို လက်ခံကာ လူ့လောကသို့ သွားရန်အတွက် ကြည့်ခြင်းကြီး (၅)ပါးဖြင့် ကြည့်ရှု သုံးသပ် တော်မူခဲ့သည်။
(၁) ကာလ။ (၂) ဒီပ။ (၃) ဒေသ။ (၄) ကုလ။ (၅) မာတုအာယု တို့ဖြစ်ပါ၏။

၁။ ကာလ

လူ့သက်တမ်း နှစ်တစ်သိန်းထက် မပိုသောခေတ်၊ နှစ်တစ်ရာအောက် လည်း မကျသော ခေတ်ကာလကို သေသေချာချာ ရွေးချယ်တော် မူရပါတယ်။ လူ့သက်တမ်း နှစ်တစ်သိန်းထက် မကအသက်ရှည်ကြပါက ထိုသူတို့ကို အနိစ္စ ဒုက္ခ အနတ္တ ဟုဟောလျှင်လည်း ထိုသူတို့သည် မည်သို့သောနည်းနှင့်မျှ ယုံနိူင်ကြလိမ့်မည် မဟုတ်သောကြောင့် ထိုမျှလောက် အသက် ရှည်လွန်းသော ခေတ်ကာလကို ဘုရားရှင်တို့ မပွင့်ကြပါ။ ထိုကြောင့် လူ့သက်တမ်းနှစ် တစ်သိန်း အောက် ခေတ်ကာလကို ရွေးတော်မူခြင်းဖြစ်ပါသည်။ တဖန် လူ့သက် တမ်း နှစ်တစ်ရာအောက် ရောက်သော ခေတ်ကာလ၌လည်း ဘုရားရှင်တို့ မပွင့်ကြပါ။

နှစ်တစ်ရာအောက် အသက်တိုလွန်းပါက လူတို့သည် မကောင်းမှု ဒုစရိုက်များ လွန်စွာ ထူပြောသော ခေတ်ဖြစ်နေပါ၏။ ထိုခေတ်လူတို့သည် ဘုရားရှင်၏ တရားစကားကို ယုံကြည်နိူင် လက်ခံနိူင်ကြလိမ့်မယ် မဟုတ် သောကြောင့် နှစ်တစ်ရာအောက် ရောက်သောခေတ်ကာလ၊ အသက်တိုသော ခေတ် ကာလ၌လည်း ဘုရားရှင်တို့ မပွင့်ကြပါ။ ထို့ကြောင့် လူ့သက်တမ်း နှစ်တစ်ရာမှစ၍ နှစ်တစ်သိန်း အောက်ကာလ၊ လူ့သက်တမ်း မရှည်လွန်းသော ကာလ မတို လွန်းသော ကာလ၊ အလယ်အလတ် ခေတ်ကာလကိုသာ ရွေးချယ် တော်မူခြင်းဖြစ်ပါသည်။

၂။ ဒီပ (ကျွန်း)

တောင်ကျွန်း (ဇမ္ဗူဒီပကျွန်း) ကိုသာ ဘုရားပွင့်ရန်အတွက် ရွေးချယ်တော် မူပါသည်။ မြင့်မိုရ် တောင်ကို အလယ်ဗဟို ထားပါက အရှေ့ကျွန်း၊ အနောက်ကျွန်း၊ မြောက်ကျွန်း၊ တောင်ကျွန်းတို့ ရှိကြ၏။ ထိုတွင် အရှေ့ကျွန်း တွင်လည်း ဘုရားမပွင့်ကြပေ။ အနောက်ကျွန်းတွင်လည်း ဘုရား မပွင့်ကြပေ။ မြောက်ကျွန်းတွင်လည်း ဘုရားမပွင့်ကြပေ။ တောင်ကျွန်းတွင်သာ ဘုရားရှင်တို့ ပွင့်ကြခြင်းဖြစ်ပါသည်။

၃။ ဒေသ (အရပ်)

တောင်ကျွန်း (ဇမ္ဗူဒီပကျွန်း) ကြီး၏ အလယ်ဗဟိုဒေသ (မဇ္ဈိမ ဒေသ) အရပ်တွင်သာ ဘုရားပွင့်ရန် ထပ်မံ ရွေးချယ်တော်မူသည်။ အစွန်အဖြား ကျသော ဒေသဆိုလျင် ပညာနည်းမည် အသိဥာဏ် နည်းမည် ဖြစ်ခြင်းကြောင့် အစွန်အဖြား ဒေသတွင်လည်း မပွင့်ကြပေ။ အလယ် ဒေသဖြစ်သော မဇ္ဈိမ ဒေသကိုသာ ရွေးချယ်တော်မူပါသည်။ မဟာဗောဓိပင်ကို အလယ်ဗဟို ထားပြီး အရှေ့ ၊အနောက်၊ တောင်၊ မြောက် အရပ်လေးမျက်နှာ ယူဇနာ (၉ဝဝ) အကျယ် အဝန်းရှိသော ဒေသသည် မဇ္ဈိမဒေသပင် ဖြစ်ပါ၏။ ဘုရားရှင်တို့သည် အလယ်ဗဟိုကျသော မဇ္ဈိမဒေသမျိုးကိုသာ ဘုရားဖြစ်ရန် လောကအကျိုး စီးပွား ဆောင်ရွက်ရန် ရွေးချယ်တော်မူပါသည်။

၎။ ကုလ (အမျိုး)

မြင့်မြတ်သော ခတ္တိယအမျိုး (မင်းမျိုး)၌သာ ဘုရားပွင့်ရန်၊ လောက အကျိုး စီးပွား ဆောင်ရွက်ရန် ရွေးချယ်တော်မူပါသည်။ ဘုရားရှင် ဖြစ်မည့် အမျိုးသည် သာမာန်အမျိုး၊ မမြတ်မြတ်သော အမျိုးမှာ ဖြစ်ရိုး မရှိပါဘူး။ ဘုရားဖြစ်မည့် အမျိုးသည်.(၁) လူတကာတို့ အလေးအမြတ် ပြုသော အမျိုး ဖြစ်ခြင်း။ (၂) အမျိုးမပြတ်သော အမျိုးဖြစ်ခြင်း။ (အမျိုးစဉ်ဆက်ရှည်သော၊ မျိုးရိုးကြီးသော အမျိုး) အထက်ပါ အချက်အလတ်တို့နှင့် ပြည့်စုံသော သာကီဝင်အမျိုး၌သာ ဘုရားဖြစ်ရန်၊ လောက အကျိုးစီးပွား ဆောင်ရွက်ရန် ရွေးချယ်တော်မူပါသည်။

၅။ မာတုအာယု (မယ်တော့်အသက်)

မိခင်ဖြစ်မည့်သူသည် (၁ဝ)လနှင့် (၇)ရက်သာ အသက်ကြွင်းကျန်မည့် သီလ စင်ကြယ်သော သူကိုသာ ရွေးချယ်တော်မူပါသည်။ မိခင်မယ်တော် ဖြစ်မည့်သူသည် သဘာဝအလျောက် နောက်(၁ဝလနှင့် ၇ရက်)ကြာလျှင် သေမည့်သူသာ ဖြစ်ရပါမည်။ ဘုရားအလောင်းတော် ရောက်လာလို့ သေပေးရသည့် သဘောမျိုး မဖြစ်ရပါ။ မယ်တော်၏ သဘာဝအလျောက် (၁ဝလနှင့် ၇ရက်)ကြာလျှင် သေမယ့် အသက်အရွယ်ရှိသော မယ်တော်ကို သေချာစောင့်ပြီး ရွေးချယ်ခြင်း မျိုးဖြစ်ပါသည်။

ဘုရားအလောင်းတော် မိခင်ဖြစ်မည့် သူ၏ ဝမ်းကြာတိုက်သည် ရှိခိုး ထိုက်လောက်အောင် အလွန်မြင့်မြတ်ပါ၏။ ရှိရှိသမျှ မိခင်များတွင် အမြတ်ဆုံးမိခင်ပင်တည်း။ ထိုသို့ မြင့်မြတ်သော ဝမ်းကြာတိုက်ဝယ် ဘုရားအလောင်းတော်သာလျင် ပဋိသန္ဓေ ယူထိုက်ခြင်းဖြစ်ပါ၏။ အခြားသူ တစ်ယောက်သည် ထိုမိခင်၏ ဝမ်းကြာတိုက် တွင် ပဋိသန္ဓေ ထပ်မံ မကိန်းကောင်းပါ။ မကိန်းနိုင်ပါ။ ထိုကြောင့်သာလျင် ဘုရားအလောင်းတော်ကို ဖွါးမြင်ပြီး (၇)ရက်ကြာလျှင် မယ်တော်မှာ သေရရိုး ထုံးစံ ဓမ္မတာပါတည်း။ သို့ဖြစ်၍ ပဋိသန္ဓေယူရန် မယ်တော်၏ အသက် အပိုင်း အခြားကိုလည်း ရွေးချယ်ခြင်း ဖြစ်ပါသည်။

မိဘက ရွေးချယ်နိုင်ခွင့်

ဤဘုရားအလောင်းတော်၏ ဖြစ်စဉ် ဗုဒ္ဓဝင်ကို သာဓကယူကာ မိဘတိုင်း ကလည်း မိမိထံ ရောက်ရှိလာမည့် သားသမီးကို ရွေးချယ်နိုင်သည်ဟု မှတ်ယူ နိုင်ပါ၏။ သို့သော် မိမိထံသို့ မည်သို့သော ပုဂ္ဂိုလ်သာ လာစေရမည်။ မည်သို့ သောပုဂ္ဂိုလ်မျိုး မလာစေရဟု အမိန့်ပေး ပြောကြား၍ကား ရနိုင်မည် မဟုတ် ပါပေ။ ရွေးချယ်ရမည့် နည်းလမ်းမှာ မိမိကိုယ်ကိုယ်သာ ရှေးဦးစွာ ပြုပြင်ယူရ ပေလိမ့်မည်။

မိမိက သားကောင်း သမီးကောင်း ရလိုလျှင် မိခင်ဖြစ်သူသည် သီလ စင်ကြယ်ရန် အထူး လိုအပ်ပါ၏။ ရတနာ(၃)ပါးကို ရိုသေသူ၊ ကိုင်းရှိုင်းသူ၊ သူတော်ကောင်းတရား လက်ကိုင်ထားသူ၊ သတ္တဝါတိုင်းအပေါ် မေတ္တာ ပွါးများ သူ ဖြစ်ရပါမည်။ (မိမိက ထိုသို့အမြဲပြည့်စုံသူ မဟုတ်ခဲလျှင် သား သမီးကောင်း ရလိုသောအချိန်မှ စ၍ ထိုသူတော်ကောင်းတရားများကို လိုက်နာကျင့်သုံး ပေးလျှင် လည်း သား သမီးကောင်း ရနိုင်သည်သာတည်း။)

မိခင်ဖြစ်မည့်သူက သူတော်ကောင်း ဖြစ်နေမှသာလျှင် ဘုန်းကံရှိသော သား သမီးများ သည်လည်း လာရောက်လိုကြပေလိမ့်မည်။ ဘုန်းကံရှိသူဟူရာ၌ လည်း ဘုန်းကံရှိသောဘဝမှ လာသူဟု ဆိုလိုပါသည်။
ဥပမာ။ ဗြဟ္မာဘဝ၊ နတ်ဘဝ၊ လူဘဝတို့မှာ ရောက်လာခြင်းပင်တည်း။

အကယ်၍ မိခင်ဖြစ်သူက သီလကလည်း မရှိ။ ဘာသာတရားကိုလည်း နားမလည်။ ရတနာ(၃)ပါးကိုလည်း ရိုသေခြင်း ကိုင်းရှိုင်းခြင်း မရှိလျှင် ထိုသို့သော မိခင်ဖြစ်သူထံသို့ ဘုန်းကံ မရှိသော သူတို့သည်သာ ရောက်လာနိုင် ကြပေလိမ့်မည်။ ဘုန်းကံ မရှိသူ ဟူရာ၌ ဘုန်းကံနိမ့်သော ဘဝမှ ရောက်လာ ကြသူများကို ဆိုလိုပါသည်။
ဥပမာ။ ငရဲဘဝ၊ တိရစ္ဆာန်ဘဝ၊ ပြိတ္တာဘဝ၊ အသုရကာယ်ဘဝတို့မှ ရောက်လာသူများ ပင်တည်း။

ဆိုလိုသည်မှာ သူတော်ကောင်း မိခင်ထံသို့ လိမ္မာသော၊ ဘုန်းကံရှိသော သားသမီးများ ရောက်လာကြသည်မှာ ဓမ္မတာပင်တည်း။ တရားမရှိသူ မိခင်များထံသို့ မလိမ္မာသော၊ ဘုန်းကံနိမ့်သော  သားသမီးများ ရောက်လာကြ သည်မှာလည်း ဓမ္မတာပင်ဖြစ်ပါ၏။

သား သမီးများက ရွေးချယ်နိုင်ခွင့်

သားသမီးများသည်လည်း မိဘဖြစ်သူကို ရွေးချယ်နိုင်သည်သာ။ သို့သော် တိုက်ရိုက်အားဖြင့် ရွေးချယ်နိုင်သည်ကား မဟုတ်။ မိမိက ဘုန်းကံ ပါရမီ ရှိသောသူဖြစ်အောင်၊ ကုသိုလ် ကောင်းမှုကို များများပြုလုပ်ထားကြရမည် ဖြစ်ပါသည်။ ထိုသို့ဖြစ်ပါလျှင် ဘုန်းကံရှိသော မိဘမျိုးနှင့် မလွဲမသွေ တွေ့ရှိနိုင် မည်သာတည်း။

ဘုန်းကံ ပါရမီရှိသော နတ်ပြည်၊ ဗြဟ္မာပြည်မှာ လာသူဖြစ်လျှင် အထူး ဆိုဖွယ်မလို၊ ချမ်းသာသူ၊ ပညာတတ်သူ မိဘများနှင့် တွေ့ရမြဲ ဓမ္မတာ ပင်တည်း။ အကယ်၍ အပါယ်(၄)ဘုံမှ လာသူဖြစ်လျှင် မိမိမှာ မူလကပင် ဘုန်းကံ ပါရမီနည်းသူ ဖြစ်သည်အားလျော်စွာ ဘုန်းကံ ပါရမီရှိသော မိဘများ နှင့် တွေ့ဆုံနိုင်ရန် ခဲယဉ်းမည်သာတည်း။

မိဘနှင့် သားသမီးတို့၏ ဘုန်းကံတို့သည် အချင်းချင်း ဆက်သွယ်နေပါ၏။ ဘုန်းကံ ပါရမီရှိသော သား သမီးကြောင့်လည်း မိဘများ၏ ဘဝတို့သည် ပိုမို၍ တိုးတတ်နိုင်၊ ပြောင်းလဲနိုင်သလို ဘုန်းကံ ပါရမီရှိသော မိဘများကြောင့်လည်း သား သမီးတို့၏ ဘဝသည် ပိုမို၍ တိုးတတ်နိုင်၊ ပြောင်းလဲနိုင်သည်သာတည်း။ ထို့အတူပင် ဘုန်းကံ ပါရမီနည်းသော သား သမီးကြောင့်လည်း မိဘများ၏ ဘဝတို့သည် ဆုတ်ယုတ်နိုင်၊ ပြောင်းလဲနိုင်သလို ဘုန်းကံ ပါရမီနည်းသော မိဘများကြောင့်လည်း သား သမီးတို့၏ ဘဝသည် ဆုတ်ယုတ်နိုင်၊ ပြောင်းလဲ နိုင်သည်သာတည်း။

သား၏ အကုသိုလ်ဆိုးကျိုးက မိဘ ပတ်ဝန်းကျင်ကို ထိခိုက်ပုံ

လောလကတိဿ မထေရ်လောင်းသည် ဘဝတစ်ခု၌ တောကျောင်းတွင် ကျောင်းထိုင် ဆရာတော် ဖြစ်ခဲ့၏။ တစ်နေ့တွင် အာဂန္တု ဧည့်သည် ရဟန်း တစ်ပါးကြွရောက်လာကာ တည်းခို နေစဉ် သူဋ္ဌေးဒကာ တစ်ယောက်က အာရုံဆွမ်းစား ပင့်လျှောက်ခဲ့လေသည်။ ကျောင်းထိုင် ဆရာတော်သည် နံနက် အိပ်ယာထချိန်တွက် သက်ကယ်ချောင်း (မြက်ပင်)ဖြင့် ခေါင်းလောင်း ထိုးကာ တစ်ပါးတည်း ဆွမ်းစားကြွသွားခဲ့လေသည်။ ဒကာက “အရှင်ဘုရား၊ ဧည့်သည် ဘုန်းကြီး ရော ကြွမလာဘူးလားဘုရား”ဟု မေးလျှောက်ရာ “ဧည့်သည် ဘုန်းကြီးက အအိပ်ကြီးတယ်နဲ့ တူပါရဲ့၊ ခေါင်းလောင်းထိုးတာတောင်မှ မနိုးဘူးလေ။ ဒါ့ကြောင့် တစ်ပါးတည်း ကြွလာရတာ”ဟု ပြန်ပြောခဲ့လေသည်။ ဒကာက “ခရီးပန်းလို့ ဖြစ်မှာပါဘုရား”ဟု လျှောက်ထားလေ၏။

 ကျောင်းထိုင် ဆရာတော်ကို အာရုံဆွမ်း ဆက်ကပ်လှူဒါန်းခြင်း၊ တရားနာခြင်း၊ ရေစက်ချခြင်း ပြီးဆုံး၍ ဆရာတော် ပြန်ကြွသောအခါ ဧည့်သည် ဘုန်းကြီးအတွက် ဆွမ်းကို သပိတ်တွင် ထပ်မံထည့်ကာ လှူဒါန်းလိုက်လေ သည်။ ဒကာအိမ်မှ ပြန်လာရာလမ်းတွင် ကျောင်းထိုင် ဆရာတော်က “ဤဆွမ်း ကို စားပြီးလျှင်တော့ ဒီကိုယ်တော် ကျောင်းက ပြန်တော့မှာ မဟုတ်တော့ ဘူး” ဟု တွေးထင်ကာ ဒကာလှူလိုက်သော ဆွမ်းတို့ကို လမ်းဘေးမှာပင် သွန်ပစ်ခဲ့ လေသည်။

ထိုအခြင်းအရာ အလုံးစုံကို ကျောင်းမှာ ကျန်ရစ်ခဲ့သော ဧည့်သည် ရဟန်းက သိမြင်ခဲ့ပြီး “ငါ ဒီမှာ ကြာကြာနေလျှင် ဒီဆရာတော်အတွက် ပို၍ အကုသိုလ် အပြစ်များပေတော့မည်” ဟု တွေးကြံကာ ကောင်းကင် ခရီးဖြင့် ပြန်လည် ကြွသွားခဲ့လေပြီ။ ကျောင်းထိုင်ဆရာတော် ကျောင်းသို့ ပြန်ရောက် လာချိန်တွင် ဧည့်သည် ရဟန်းမှာ မရှိတော့ပြီ။ ထိုအခါတွင်မှ “ငါ့ရဲ့ မကောင်းတဲ့ စိတ်အကြံကို သိပြီး ပြန်ကြွသွားတာကို ထောက်ဆကြည့်လျှင် ဒီဧည့်သည် ရဟန်းသည် တရားထူးရပြီးသော ရဟန္တာ ဖြစ်ပေလိမ့်မည်”ဟု သိရှိကာ နောင်တ ရခဲ့လေသည်။ သို့သော် ကုလမစ္ဆရိယ (ဒကာနှင့်ပတ်သက်၍ နှမြော ဝန်တိုခြင်း)ဟူသော အကုသိုလ် အပြစ်ကိုကား ပြုမိခဲ့လေပြီတည်း။ ထိုအကုသိုလ် အပြစ်ကြောင့်ပင် ဘဝတိုင်းဝယ် ဆင်းရဲ ငတ်ပြတ်ကာ ဒုက္ခကြီးစွာ ခံစားခဲ့ရလေသည်။

ဂေါတမဘုရားရှင် လက်ထက်တော်တွင် အိမ်ခြေ တစ်ထောင်ရှိသော ရွာကြီး၌ လောလက တိဿ  ပဋိသန္ဓေ တည်သောနေ့က စပြီး တစ်ရွာလုံး ငါး မရတော့ပေ။ တစ်ရွာလုံး မီးလည်း လောင်ခဲ့လေသည်။ ထို့ကြောင့် ရွာကို ထက်ဝက်ခွဲသောအခါ ကိုယ်ဝန်ရှိသော မိခင်ပါသည့် ဘက်က ငါး မရတော့ ပြန်ပါ။ ထိုသို့ အကြိမ်ကြိမ် ထပ်ခွဲလာလိုက်ရာ လောလကတိဿ မိဘ တစ်အိမ်သာ ကျန်ပါတော့သည်။ လောလကတိဿ ကလေးကို မွေးဖွားပြီး သွားနိုင်လာနိုင်သော အခါ သားဖြစ်သူ၏ အကုသိုလ် အကျိုးပေးဒဏ်ကို မခံနိုင်သည့်အဆုံး  အမေဖြစ်သူက သားကို ခွက်ကလေးပေးပြီး တောင်းစား ခိုင်းကာ စွန့်ခွါ ထွက်ပြေးပါတော့သည်။

ထို့သို့ဖြင့် လောလကတိဿလေးသည် ငတ်တစ်လှည့် ပြတ်တစ်လှည့် ဖြင့် တောင်းစားကာ မိဘမဲ့နေလာခဲ့ရာ တစ်နေ့သောအခါ အရှင်သာရိပုတ္တရာ နှင့် တွေ့ပြီး အရှင်မြတ်က လောလက တိဿကို ရှင်ပြုပေးခဲ့သည်။ လောလက တိဿသည် ပါရမီပါ ပြည့်သူဖြစ်၍ တရား အားထုတ်လိုက် လျှင်ပင် ရဟန္တာ ဖြစ်သွားခဲ့ပါသည်။ ရဟန္တာဖြစ်သော်လည်း အတိတ်က ပြုခဲ့သော အကုသိုလ်ကံ ကြောင့် တစ်နေ့မှ ဆွမ်းကို ဝအောင်မဘုဉ်းခဲ့ရပေ။ အရှင်သာရိပုတ္တရာ အရှင်မြတ်က ခေါ်သွားပြီး ဆွမ်းခံအတူထွက်လျှင် အရှင် သာရိပုတ္တရာသည်ပင် ဆွမ်းမရတော့ပေ။ ထိုအခါ လောလကတိဿ မထေရ်ကို ပြန်လွှတ်ပြီး အရှင်မြတ် တစ်ပါးတည်း ဆွမ်းခံမှ ဆွမ်းရပါတော့၏။

ဘုန်းကံကြီးမားသော အရှင်သာရိပုတ္တရာသော်မှ လောလက တိဿမထေရ်နှင့် ဆွမ်းခံ အတူကြွလျှင် ဆွမ်းမရတော့ဟု ဆိုလျှင် ထိုလောလကတိဿ မထေရ်၏ အကုသိုလ်ကံ အကျိုးပေး က သူတစ်ယောက်တည်းထင်မက ပတ်ဝန်းကျင်ရှိသူတို့ကိုပါ ဆင်းရဲဒုက္ခ ဖြစ်စေတတ်ကြောင်း အကုသိုလ်ကံတို့၏ ဆိုရွားကြောက်ဖွယ် ကောင်းပုံကို နားလည်ရန်ဖြစ်ပါသည်။ ဤသာဓကကို ကြည့်ပြီး အကုသိုလ်ကံ ကြီးသောသူကို ရှောင်ရပါမည်။ သူ၏ အကုသိုလ်ကံ ဆိုးကျိုးများက မိမိကို လာပြီး အဖျားခတ်တတ်ကြောင်း သဘောပေါက်ကာ ဆင်ခြင်ရပေလိမ့်မည်။

သား၏ ဘုန်းတန်ခိုးကြောင့် မိဘများပါ ချမ်းသာရ

ရှင်သီဝလိအလောင်း ပဋိသန္ဓေတည်မိသည်နှင့် တပြိုင်နက် ဝမ်းတွင်းရှိ သန္ဓေသား၏ ကုသိုလ်ကံကြောင့် မယ်တော် သုပ္ပဝါသာမင်းသမီးအထံသို့ ဟိုမှ သည်မှ ရာပေါင်းများစွာသော လက်ဆောင်ပစ္စည်းများ   နေ့စဉ်အမြဲ ည နံနက် ဆက်ကာဆက်ကာ ပေးပို့လာကြလေသည်။ ဆွေမျိုးများက သုပ္ပဝါသာ မင်းသမီး၏ ဘုန်းကံကို စမ်းလို၍ မျိုးစေ့ထည့်ထားသော တောင်းကို မင်းသမီး၏ လက်ထဲသို့ ထည့်စေကြကုန်၏။

သုပ္ပဝါသာမင်းသမီး၏ လက်ဖြင့် ထိမိသမျှ မျိုးစေ့တို့သည် အံ့သြ ယူရ လောက်အောင် တစေ့တစေ့မှ အပင်အညှောက် အရာအထောင် ပေါက်ပွား လာကြကုန်၏။ မင်းပယ်တပယ် ကျယ်ဝန်းသော လယ်မြေတကွက်မှ လှည်း အစီးပေါင်း ငါးဆယ်ခြောက်ဆယ် တိုက်ယူရ လောက် အောင် ကောက်စပါးများ အထွက်တိုး၍ လာလေသည်။ စပါးကျီထဲသို့ စပါးများကို သွင်းသည့် အခါမှာ လည်း မင်းသမီးလက်ဖြင့် တံခါးပေါက်ကို အကိုင်ခိုင်းကြည့်ရာ ဝမ်းတွင်းရှိ သီဝလိ၏ ဘုန်းကံကြောင့် ပြောင်း၊ စပါး၊ စသော ကောက်ပဲ သီးနှံများမှာ (ထုတ်ယူသယ်ဆောင် သွားသည့်တိုင်) မူလအတိုင်း လျော့သွားသည်မရှိ၊ ပြည့်မြဲပြည့်၍ နေတတ်လေသည်။ ချက်ပြီးသား ထမင်းအိုးမှ ထမင်းကို ခူးခပ် ကာ ‘ဒီဟာက မင်းသမီး၏ ဘုန်းကံပါပဲ’ဟု ပါးစပ်မှ ပြောဆို၍ ပေးကမ်း လှူဒါန်းပါလျှင် ကုန်ခန်းသည်မရှိ၊ ပြည့်စုံလုံလောက်သောဟူ၏။

ရှေးက ပြုခဲ့သော ကုသိုလ် တောင်းခဲ့သောဆု

ရှင်သီဝလိ အလောင်းတော်သည် ပဒုမုတ္တရမြတ်စွာဘုရား လက်ထက်၌ လာဘ်လာဘ အရာတွင် ဧတဒဂ်ဘွဲ့ ပေးခဲ့သော ရဟန်းတပါးကို အားကျပြီး ထိုဧတဒဂ်မျိုး ရလိုကြောင်း ပဒုမုတ္တရဘုရားထံ ဆုတောင်း၍ ပါရမီကို စတင် ဖြည့်ခဲ့လေသည်။

ဝိပဿီမြတ်စွာဘုရား လက်ထက်သို့ ရောက်သောအခါ ကျေးလက် ဇနပုဒ်တခု၌ အညတရ တောသားတဦး ဖြစ်ခဲ့ရ၏။ ထိုအချိန်၌ ဗန္ဓုမတီမြို့သူ မြို့သားတို့က ဗန္ဓုမတီမင်းကြီးနှင့် သူနိုင်ငါနိုင် အပြိုင်ကြဲ၍ အလှူဒါနပွဲကို ဆင်နွှဲနေချိန်ဖြစ်၏။ ဘုရင်မင်းမြတ်၏ အလှူထက်သာစေရန် ပြည်သူတို့၏ ဒါနပွဲတွင် လောလောလတ်လတ် ပျားရည်နှင့် နွားနို့ခဲ မပါဘဲရှိရာ ထိုအခိုက် တောမှ မြို့သို့တက်လာသော သီဝလိအလောင်း လုလင်က ထိုပစ္စည်း (၂)မျိုးကို ယူဆောင်၍လာရာ မြို့သူမြို့သားတို့က မတန်တဆဈေးဖြင့် ပေး၍ ဝယ်ယူကြ၏။

တောသားလုလင်က အကျိုးအကြောင်း မေးမြန်း ၍  “မြတ်စွာဘုရား လှူရန် ဝယ်သည်ဆိုပါက ငွေဖြင့် မရောင်းလိုဘဲ ကျွန်ုပ် ကိုယ်တိုင် အခမဲ့ကုသိုလ်ပါဝင် လှူဒါန်းပါမည်”ဟု ပြောကြားရာ အားလုံကပင် သဘောတူ လက်ခံပြီး ရွှင်ရွှင်ပျပျ လှူဒါန်း ခွင့်ပေးလေသည်။ တောသား လုလင်က “လာဘ်လာဘ ပေါများရပါလို၏”ဟု ဆုတောင်းရာ ဝိပဿီ မြတ်စွာဘုရားက “သင် ဆုတောင်း သည့်အတိုင်း ဖြစ်စေသတည်း” ဟု မိန့်တော် မူခဲ့လေသည်။

ဤဒါနနှင့် ဤဆုတောင်းကြောင့် ဖြစ်လေရာဘဝဝယ် ဒါန၏အကျိုးကို ကောင်းမွန်စွာ ခံစားစံစားရပြီး၊ ဂေါတမမြတ်စွာဘုရား လက်ထက်တွင် လာဘ်ပေါများသည့် အရာ၌ အသာဆုံး၊ အမြတ်ဆုံးဖြစ်သည့် ဧတဒဂ်ဘွဲ့ရ ရှင်သီဝလိ ဖြစ်လာခဲ့လေသည်။

ရှေးက ကျူးလွန်ခဲ့သော အပြစ်နှင့် အကျိုး

အတိတ်ဘဝ တစ်ခုဝယ် သီဝလိနှင့် မယ်တော် သုပ္ပဝါသာတို့မှာ ဗာရာဏသီမင်း၏ မိဖုရားကြီးနှင့် သားတော်ဖြစ်ခဲ့ကြလေသည်။ တစ်ခါသော် စစ်ဖြစ်နေချိန်တွင် မယ်တော်ကြီး အကြံ ပေးသည့်အတိုင်း သားဖြစ်သူက မြို့တံခါးမကြီး လေးပေါက်တို့ကို အဝင် အထွက်မရှိအောင် (၇)နှစ်ကြာမျှ ပိတ်ဆို့ထားရာ တိုင်းသူပြည်သားတို့မှာ အစာ ရေစာ ပြတ်လတ်ကာ ဆင်းရဲဒုက္ခ ရောက်ကြရလေသည်။

ဤမကောင်းမှု အကုသိုလ် ကံကြောင့် ကိုယ်တိုင်ကျူးလွန်သူ ဗာရဏသီ မင်းသားမှာ ငရဲ၌ ခံရပြီး၊ ယခုဘဝဝယ် မယ်တော် သုပ္ပဝါသာနှင့် ရှင်သီဝလိ အလောင်းအလျာ ဖြစ်လာခဲ့သည်။ ရှင်သီဝလိသည် ကျပ်တည်း ကျဉ်းမြောင်း သော အမိဝမ်းထဲတွင် သွေးအလူးလူးဖြင့် (၇)နှစ်ကြာမျှ ဒုက္ခကြီးစွာ ဝဋ်ဆင်းရဲ ကို ခံရရှာသည်။ မွေးဖွားရာတွင်လည်း သက်သာလွယ်ကူခြင်း မရှိဘဲ ကမ္မဇ လေကြောင့် ဦးစောက်ပြောင်းပြန် ခြေထောက်မိုးမျှော် ကျွမ်းထိုးမှောက်ခုံ ဖြစ်ရရုံမျှမက အမိ၏ယောနိဝတွင် ကန့်လန့်ခံနေ၍ (၇)ရက်ကြာ ဒုက္ခဝေဒနာကို အလူးအလဲ ခံရပြန်လေသည်။

နောက်ဆုံးတွင် ဘုရားထံ သွားရောက်လျှောက်ထား၍ အိမ်သို့ ပင့် လျှောက်ရာ “သုပ္ပဝါသာ မင်းသမီးသည် ရောဂါမရှိ ပကတိ ချမ်းသာစေသ တည်း။ ရောဂါမရှိ ပကတိချမ်းသာလျက် ရောဂါကင်းသော သားကို လွယ်ကူစွာ ဖွားစေသတည်း”ဟု မေတ္တာဓာတ်ဖြင့် မြတ်စွာဘုရား မိန့်ကြားတော်မူလိုက် သည်နှင့် တပြိုင်နက် မရှေးမနှောင်းမှာပင် နေအိမ်တွင် ကျန်ရစ်သော သုပ္ပဝါသာ မင်းသမီးသည် မီးမဖွားနိုင်ဘဲ အခက်အခဲ ကြုံနေရသော သန္ဓေသား ကို လွယ်ကူ ချောမောစွာ ဖွားမြင်လေ၏။ မိဘ ဆွေမျိုးတို့၏ ပူပန်မှု စိတ် သောကကို ငြိမ်းအေးစေလျက် ဖွားမြင်သန့်စင်လာသောကြောင့် သူငယ်၏ အမည်ကို (သီဝလိ)ဟု အမည် ပေးကြသည်။ သီဝလိ သောကအပူကို ငြိမ်းအေးစေးသူ (ဝါ) မောင်ငြိမ်းချမ်း။

မွေးဖွားစသူငယ် စကားပြောခြင်း။ ။

သုပ္ပဝါသာမင်းသမီးသည် သီဝလိသတို့သား ဖွားမြောက်သည့် အထ်ိမ်း အမှတ်အဖြစ် မြတ်စွာဘုရားနှင့် သံဃာတော်များကို နေအိမ်သို့ပင့်၍ (၇)ရက် တိုင်တိုင် အလှူကြီးကို ပေးလေသည်။ ရှင်သီဝလိ သတို့သားမှာ အမိဝမ်း၌ (၇)နှစ်မျှနေခဲ့ရပြီးဖြစ်၍ ဖွားမြောက်လာချိန်တွင် (၇)နှစ်အရွယ်ရှိ သူငယ်တို့ ပြုလုပ်ရမည့် အမှုလုပ်ငန်းမှန်သမျှကို ပြုလုပ်နိုင်စွမ်း ရှိပေပြီ။ ထို့ကြောင့် သံဃာတော်များကို သီဝလိ သူငယ်ကိုယ်တိုင် ရေစစ်၍ သောက်ရေ ဆက်ကပ်ခြင်း၊ ရှင်သာရိပုတ္တရာ ကိုယ်တော်မြတ်ကြီးနှင့် စကားပြောခြင်းများကို ပြုလုပ်လေသည်။ ထိုအံ့ဖွယ် မြင်ကွင်းကို တွေ့မြင်ရသော မယ်တော်သုပ္ပဝါသာ မင်းသမီးအဖို့ ဝမ်းမြောက် ကြည်နူးမဆုံး ရှိလေသည်။

မြတ်စွာဘုရားက “ချစ်သမီး သုပ္ပဝါသာ၊ ကိုယ်ဝန်ဒုက္ခကို (၇)နှစ်မျှ လွယ်ထားရပြီးဖြစ်၍ နောက်ထပ် ကိုယ်ဝန်ဆောင်လိုစိတ် ရှိပါသေးသလား” ဟု မေးတော်မူရာ သုပ္ပဝါသာမင်းသမီးက “မှန်ပါဘုရား၊ သီဝလိလို သားမျိုးကိုသာ ရမည်ဆိုပါက နောက်ထပ် (၇)ခါ ပဋိသန္ဓေလွယ်ပြီး (၇)ယောက်တိတိ ဖွားလို ပါသေးကြောင်း” မိန်းမပီပီ လျှောက်ထားလေသည်။ ဤသို့လျှောက် ထားခြင်းမှာ သားဖွားခြင်း၌ ရောင့်ရဲတင်းတိမ်မှုမရှိသော မိန်းမတို့၏ ဓမ္မတာသဘောအရ လျှောက်ထားခြင်း ဖြစ်ပေသည်။ လိမ္မာသော သားကို တွေ့မြင်ရသော မိခင်တို့၏ မေတ္တာကြောင့် ဤသို့ပြောခြင်းဟုလည်း မှတ်ယူနိုင်ပါသည်။

သီဝလိ သင်္ကန်းဝတ်ကာ ရဟန္တာဖြစ်ခြင်း

အလှူကြီး (၇)ရက်မြောက်သော နောက်ဆုံးနေ့တွင် ရှင်သာရိပုတ္တရာကို သီဝလိသူငယ်က အမိ ဝမ်းတွင်း၌ ဒုက္ခကြီးစွာ နေထိုင်ရပုံအကြောင်းများကို လျှောက်ထားပြီး မိဘ (၂)ပါးက ခွင့်ပြုပါ လျှင် သင်္ကန်းဝတ်လိုကြောင်း လျှောက် ထားလေ၏။ ခွင့်ပြုချက်ရသောအခါ အရှင်သာရိပုတ္တရာက ကျောင်းတော်သို့ ခေါ်သွားပြီးလျှင် တစပဉ္စက ကမ္မဋ္ဌာန်းကို ပေးကာ ရှင်သာမဏေပြုရန် ဆံချ ပေးလေ၏။ ဆံရိတ်အပြီးတွင် ရဟန္တာဖြစ်ခဲ့လေသည်။

ဘုန်းကံကို စုံစမ်းခြင်း။ ။

မြတ်စွာဘုရားသည် ပစ္စည်းလေးပါး ခက်ခဲသော မြို့ရွာများသို့ သာသနာပြု ကြွသည့်အခါ ရှင်သီဝလိကို ခေါ်သွားလေ့ရှိ၏။ ရှင်သီဝလိပါလျှင် စားဝတ် နေရေး ခက်ခဲမှုမရှိ။ အားလုံး ပြီးပြည့်စုံ၏။ လူ့ရွာကို မဆိုထားဘိ လူနေအိမ်ခြေ မရှိသည့် တောအရပ်မျိုးမှာပင် ရုက္ခစိုးနတ်တို့က ဆီးကြိုကာ လှူဒါန်းကြ၏။ ရှင်သီဝလိ ဘုန်းကံမှာ ဤမျှ အံ့ဖွယ်ကောင်းအောင် ထူးခြားလှဘိ၏။

တခါက မြတ်စွာဘုရားသည် သာဝတ္ထိပြည်သို့ ကြွလာရာ ရှင်သီဝလိ ကိုယ်တော်လည်း နောက်တော်မှ ပါလာ၏။ ရှင်သီဝလိက “မြတ်စွာဘုရား၊ တပည့်တော်၏ ဘုန်းကံကို စုံစမ်းလိုပါ၍ တပည့်တော်နှင့်အတူ သံဃာအပါး (၅ဝဝ)ထည့်ပေးတော်မူပါ ဘုရား”ဟု လျှောက်ထားရာ မြတ်စွာဘုရားက ရှင်သီဝလိ နောက်သို့ သံဃာအပါး (၅ဝဝ)ထည့်ပေးလိုက်လေသည်။

ရှင်သီဝလိသည် လူတို့နေထိုင်ရာ မြို့ရွာများသို့ မကြွမူ၍ ဟိမဝန္တာသို့ ရှေးရှုကာ တောလမ်းခရီးမှ ကြွသွားလေသည်။ ဤသို့ ကြွသွားရာ လမ်းခရီးရှိ ရောက်ရာ နေရာအားလုံး၌ပင် ဆိုင်ရာဆိုင်ရာ နတ်တို့က ရှင်သီဝလိမထေရ် အား ခုနစ်ရက်စီ၊ ခုနစ်ရက်စီ အလှူဒါနကို အကြီးအကျယ် ပေးလှူကြလေ သည်။ ရှင်သီဝလ်ိအတွက် ပေးလှူသော ပစ္စည်းများသည် နောက်ပါ သံဃာ (၅ဝဝ)တို့ပင် သုံးစွဲ၍ မကုန်၊ ပြည့်စုံ လုံလောက်ရုံမျှမက အလျှံပယ်ဖြစ်၍ နေလေ၏။ ရှင်သီဝလိ ဘုန်းကံကား ဤမျှ ကြီးမားလှပေ၏။ လူများသာမက နတ်များကပင် လှူဒါန်းကြ သောကြောင့် လာဘ်လာဘ ပေါများသောအရာ၌ ရှင်သီဝလိမထေရ်အား ဧတဒဂ်ဘွဲ့ထူးပေး၍ ချီးမြှင့်တော်မူလေသည်။

ဤဝတ္ထုသာဓကလေးတွေကို ထောက်ပြီး ကုသိုလ် ပါရမီရှင်နှင့် ပေါင်း လျှင် ထိုသူ၏ ဘုန်းကံပါရမီ အကျိုးတို့သည် ပတ်ဝန်းကျင် ရှိသူတို့ကိုပါ မျှဝေခံစားရနိုင်ကြောင်း တွေ့မြင်နိုင် ပါသည်။ (အံ၊ဋ္ဌ၊၁၊၁၉၄)

 သို့ဖြစ်၍ သားကောင်း သမီးကောင်းရလိုသော မိဘများနှင့် မိမိထံ ရောက်ရှိလာသူ သား သမီးတိုင်း လိမ္မာသူများ ဖြစ်လိုသော မိဘတိုင်းသည် ကိုယ်တိုင် ဘုန်းကံမြင့်အောင် ကြိုးစားကာ မိမိတို့၏ ပါရမီအဆင့်ကို ရင့်သထက်ရင့်အောင် ကြိုးစားနိုင်ကြပဟာဓမ္မါစေ..ဟု ဆန္ဒပြု လိုက်ပါသည်။ ။

ကျမ်းကိုး။ ။
ဓမ္မ၊ ဋ္ဌ၊ ပ၊ ၅၃။ အဘိ၊ ၁၊ ဋ္ဌ၊ ၇၆။ ပဏ်၊ ၃၊ ပါ၊ ၁၆၁။ ဋ္ဌ၊ ၁၂၂။ ဥဒါန၊ ဋ္ဌ၊ ၂၅၂။ ဗုဒ္ဓ္ဒ၊ ဋ္ဌ၊ ၃၇၊ ၃၁၈။ဇာတက၊ ဋ္ဌ၊ ပ၊ ၅၇။ အပ၊ ပါ၊ ၁၄၉။ ဋ္ဌ၊ ၂၄၉။ အံ၊ ဋ္ဌ၊ ၁၊ ၁၉၄။ အံ၊ ၅၊ ပါ၊ ၂၂၅။ ဋ္ဌ၊ ၈၁။ ပါ၊ ၂၃၈။ ဋ္ဌ၊ ၂၃၉။
ဓမ္မဒူတ အရှင်ဆေကိန္ဒ၏ ဘဝမြင့်ကြောင်း တစေ့တစောင်း

အရှင်ဥက္ကံသ သာသနတက္ကသီလ မဟာဓမ္မာစရိယ M.A. (Buddhism)


Friday, June 27, 2014

ချစ်ခြင်း မုန်းခြင်း ကင်းသည့် ခရီးသည် (ဓမ္မစကြာ ၅)


ချစ်ခြင်း မုန်းခြင်း ကင်းသည့် ခရီးသည် (ဓမ္မစကြာ ၅) 

"မကောင်းမှု ဒုစရိုက်"ဆိုတာ "ချစ်ခြင်း၊ မုန်းခြင်း" ဆိုတဲ့ အစွန်း တစ်ခုခုနဲ့ ငြိသူတွေသာ ကျူးလွန်လေ့ရှိတဲ့ အမှုမျိုး ဖြစ်ပါတယ်။ မြတ်ဗုဒ္ဓရဲ့ မဇ္ဈိမလမ်းစဉ် မပေါ်ခင်က လူတို့(သတ္တ၀ါတို့) လျှောက်လှမ်းနေတဲ့ လမ်းစဉ်ဟာ အမည်တွေ အမျိုးမျိုး ကွဲပြားကြပေမယ့် အမျိုး တူရာ ပေါင်းလိုက်တဲ့အခါ အာရုံကို အချစ်ကြီး လွန်းသူတို့ရဲ့ "ကာမသုခလ္လိက"လမ်းစဉ်နှင့် အာရုံကို အမုန်းကြီးလွန်း သူတို့ရဲ့ "အတ္တကိလမထ" လမ်းစဉ် ဆိုပြီး နှစ်မျိုးသာရှိကြောင်း တရားဦးအစမှာ မြတ်ဗုဒ္ဓက ထောက်ပြခဲ့ပါ တယ်။

ဒီခရီးသည် နှစ်မျိုးတို့ဟာ အချင်းချင်း ဖြောင့်ဖြောင့် ဆန့်ကျင်တဲ့ လမ်းနှစ်ခုကို လျှောက် လှမ်းနေကြတယ် လို့ ထင်ရပေမယ့် တကယ့်ပန်းတိုင် ရှိရာ ရှေ့တည့် တည့်ကို ကြည့်ရကောင်း မှန်း မသိကြတာချင်းကတော့ အတူတူပါပဲ။ ရှေ့တည့်တည့်ကို ကြည့်ရကောင်းမှန်းမသိလို့ ဘေးကို ကြည်မိ နေကြပေမယ့် ဘေးကို လည်း တကယ် မမြင်ကြပါဘူး၊ ဘေးကို မမြင်ဘဲ ဘေးဘက်ကို ဦးတည် ဇွက်တိုးနေကြလို့ နောက်ဆုံးမှာ ဘေးစွန်းနဲ့ ငြိပြီး ဘေးတွေ့ကြတာ ချင်းလည်း အတူတူပဲ ဖြစ်ပါတယ်။ ဒါကြောင့်လည်း မြတ်ဗုဒ္ဓက အစွန်းတရား နှစ်ခုလုံးတို့ရဲ့ နိဂုံးကို "အနရိယော အနတ္ထသံဟိတော= သူမြတ်တို့ လက်မခံတဲ့ အကျိုးမဲ့လမ်း ဖြစ်တယ်" လို့ တစ်ပေါင်းတည်း မှတ်ချက်ချတော်မူတာပါ။

ကာမသုခလ္လိက ခရီးသည်များက အာရုံကို အချစ်ကြီးလွန်းတယ်၊ အတ္တကိလမထ ခရီး သည်တို့က အာရုံကို အမုန်းကြီးလွန်းတယ်။ သတ္တ၀ါတွေကို ဒုက္ခခရီးရှည်စေတဲ့ မကောင်းမှု ဒုစရိုက် ဆိုတာက
ချစ်ခြင်း၊ မုန်းခြင်းဆိုတဲ့ အစွန်းတစ်ခုခုနဲ့ ငြိသူတွေသာ ကျူးလွန်လေ့ရှိတဲ့ အမှုမျိုး ဖြစ်ပါတယ်။

ဘေးရောက်ရင် ဘေးတွေ့တတ်တဲ့အတွက် ဘေးဘက်ကို မလျှောက်ဘဲ ဘေးလွတ်ရာ ရောက်အောင် ရှေ့တည့်တည့် လျှောက်ရမယ့် မဇ္ဈိမခရီးသည်ဆိုတာ ချစ်ခြင်း၊ မုန်းခြင်း ကင်း သူ ဖြစ်ဖို့ လိုအပ်ပါတယ်။ ဒါကြောင့် မဇ္ဈိမ ချဉ်းကပ်လမ်းမှာ ဣန္ဒြိယသံဝရ= ဣနြေ္ဒကိုစောင့် စည်းမှုနဲ့ ပြည့်စုံဖို့ လမ်းညွန်ခဲ့တာပါ။ မျက်စိ၊ နား၊ နှာ စတဲ့ ဣနြေ္ဒများနဲ့ အပြင်အာရုံတို့ တိုက် ဆုံမိခြင်းကို အကြောင်းပြုပြီး ချစ်ခြင်း၊ မုန်းခြင်း ဆိုတဲ့ ဘက်တစ်ခုခုစီ ရောက်မသွားအောင် ထိန်းသိမ်း စောင့်ရှောက်နိုင်မှုနဲ့ ပြည့်စုံရမှာပါ။  ဣနြေ္ဒလုံခြုံရင် ဒုစရိုက်ကင်းပြီး ချမ်းသာခြင်းကို ဆောင်နိုင်ပါတယ်။

"စိတ္တံ ရက္ခေထ မေဓာဝီ၊ စိတ္တံ ဂုတ္တံ သုခါဝဟံ= စိတ်ကို လုံခြုံအောင် စောင့်ကြပါ။ စိတ်လုံခြုံရင် ချမ်းသာကို ဆောင်နိုိင်ပါတယ်။(ဓမ္မပဒ၊၃၆)ဆိုတာ ဒီသဘောကို ရည်ညွန်းတာ ပါပဲ။  ဒုစရိုက်ကင်းပြီး သုစရိုက် သုံးပါးနဲ့ ပြည့်စုံတဲ့တွက် သီလသိက္ခာ ပြည့်စုံသူ လို့လည်း ဆိုနိုင်ပါပြီ။ သမာဓိသိက္ခာ၊ ပညာသိက္ခာ တိုးပွားရေး အတွက် အဆင့်မီသူလည်း ဖြစ်ပါပြီ။ ဒါကြောင့် "သုစရိုက်နဲ့ ပြည့်စုံရင်  သတိပဋ္ဌာန်လေးပါး ပြည့်စုံ စေ တယ်"လို့ အ၀ိဇ္ဇာသုတ်မှာ ဆက်ပြီး ဟောတာပါ။ သတိပဋ္ဌာန်လေးပါး ပြည့်စုံစေတယ်ဆိုတာ မဂ္ဂင်ရှစ်ပါး(မဇ္ဈိမပဋိပဒါ) ကိုပြည့်စုံအောင် အားထုတ်ဖို့ လုံလောက်ပြီလို့ ဆိုတာနဲ့ အတူတူပါပဲ။

"မဇ္ဈိမ ချဉ်းကပ်လမ်း" လို့ ပြောခဲ့တဲ့ သူတော်ကောင်းတို့ကို မှီဝဲဆည်းကပ်ခြင်းကစပြီး သုစရိုက်သုံးပါး ပြည့်စုံလို့ သီလသိက္ခာကို မိမိသန္တာန်မှာ အိမ်ရှင်သဖွယ် တည်ရှိတဲ့အထိကို အသေအချာ ပြန်ပြီး စဉ်းစား သုံးသပ်ကြည့်မယ်ဆိုရင် စိတ်ရဲ့ စွမ်းအားစုဖြစ်တဲ့ သဒ္ဓါ၊ ၀ီရိယ၊ သတိ၊ သမာဓိ၊ ပညာ ၊ ငါးပါးထဲမှာ "သဒ္ဓါ"တရားက ဦးဆောင်ခဲ့တာ ဖြစ်ပြီး ကျန်စွမ်းအား လေးခုက ကူညီ ထောက်ပံ့ပေးတဲ့ အဆင့်မှာပဲ ရှိတယ် ဆိုတာကိုလည်း သဘောပေါက်သင့် ပါတယ်။ သဒ္ဓါစွမ်းအား ကောင်းမှ ဒီအဆင့်ကို ရောက်မယ်လို့ ဆိုလိုတာပါ။

မှန်ပါတယ်။ ကျိုး ပေါက် ပြောက် ကြားခြင်းမရှိ၊ တဏှာကျွန် အဖြစ်က လွတ်အောင် ရုံးပြီး တဏှာဒိဋ္ဌိ တို့နဲ့ လည်းမှားမှားယွင်းယွင်း စွဲကပ်မထားဘဲ သမာဓိကို အထောက်အကူ ပေးနိုင်လောက်တဲ့ သီလသိက္ခာ ဆိုတာ အနည်းဆုံး သောတာပန် ဖြစ်နိုင်လောက်တဲ့ သောတာ ပတ္တိယင်္ဂ တရားလေးပါးထဲမှာ အဓိက အကျဆုံးလည်း ဖြစ်ပါယ်။ " စတူသု -သောတာပတ္တိ ယင်္ဂေသု ဧတ္ထ သဒ္ဓါဗလံ ဒဋ္ဌဗ္ဗံ= သောတာပတ္တ အင်္ဂါလေးပါးတို့မှာ သဒ္ဓါ တရားကို အဓိက ဦးဆောင်တဲ့ တရားလို့ မှတ်ရမယ်" (အံ၊၂။၁၀ ဒဋ္ဌဗ္ဗသုတ်) ဆိုတဲ့အတိုင်း သီလသိက္ခာမှာ သဒ္ဓါ စွမ်းအားက အဓိက ဦးဆောင်ဖြစ်ပါတယ်။

ဆက်လက် လျှောက်လှမ်းကျင့်သုံးရမယ့် မဇ္ဈိမ လမ်းမှာ ကျန်တဲ့ သိက္ခာ နှစ်ခုထဲက သမာဓိသိက္ခာဖြစ်တဲ့ သမ္မာဝါယာမ၊ သမ္မာသတိ၊ သမ္မာသမာဓိ မဂ္ဂင်သုံးပါးတို့ကို အဓိက ပွား များ အားထုတ်ကြရမှာပါ။ သမာဓိသက္ခာဟာ သီလနဲ့ ပညာတို့ကို တပေါင်းတည်း အပြည့်အ၀ ဖြစ်အောင် ပေါင်းစပ်ပေးပါတယ်။ မဂ်အဆင့် ရောက်တဲ့အခါ သီလဟာ စောင့်သီလ( သမာဒါန၀ိရတိ) ရှောင်သီလ (သမ္ပတ္တ၀ိရတီ) အဆင့်ကို ကျော်လွန်ပြီး မြဲသီလ (သမုစ္ဆေဒ၀ိရတီ) အဆင့် ရောက်သွားတဲ့အတွက် သီလနဲ့ ပညာ တစ်ပေါင်းတည်း ဖြစ်သွားပါ တယ်။ ဒါကြောင့် "သီလ ပညာနံ အဂ္ဂမက္ခာယတိ= သီလနဲ့ ပညာကို အမြတ်ဆုံးလို့ ဆိုရ မယ်"လို့ ဘုရားရှင် ဟောတော်တော်မူတာပါ။ (ဒီ၊၁။ ၁၁၇)။

သမာဓိမဂ္ဂင် သုံးမျိုးတို့ကို ပွားများရာမှာ ဈာန်လမ်းစဉ်အတွက် ဆိုရင်သာ သမာဓိက ဦးဆောင် ဖြစ်ပေမယ့် ဉာဏ်လမ်းစဉ်ဖြစ်တဲ့ မဇ္ဈိမပဋိပဒါ အကျင့်မှာတော့ ၀ိပဿနာ ၊ မဂ် ပညာ တို့ကို အထောက်အကူ ပေးရေးသာ အဓိက ရည်ရွယ်ပွားများရမှာ ဖြစ်လို့ သတိက ဦးဆောင်ပါတယ်။ ဒါကြောင့်  "သတိပဋ္ဌာန်အလုပ်"လို့ ဆိုကြတာပါ။

ဒီနေရာမှာ သတိရဲ့ ဦးဆောင်နိုင်ပုံနဲ့ ပတ်သက်လို့ ပိဋကတော်မှာ လာတဲ့အတိုင်း တိပိဋကဓရ (ယော)ဆရာတော် ဟောကြားတော်မူတဲ့ "ဧမြရွှင်ပြုံး လူ့နှစ်လုံး"တရားတော်ကို အခြေခံပြီး ပြည့်ြုပည့်စုံစုံလေး ပြောချင်ပါတယ်။

သတိရဲ့ အဓိက တောင်းဆိုချက်ကတော့ ပစ္စုပ္ပန်ကို တန်ဖိုးထားဖို့ပါပဲ။ သတိ ဆိုတာ-
(၁) အာရုံကို ပုံဖော်ရမယ်၊ ဘာပဲဖြစ်ဖြစ် ဆောက်ရွက်လိုတဲ့ အာရုံဟာ အသိစိတ်ထဲ ပြတ်ပြတ် သားသား ပေါ်လာရမယ်။
(၂) အာရုံ၌ စိတ်ကင်းလွတ်မသွားအောင် ချပ်ချပ် ရပ်ရပ် ကပ်ပေးရမယ်။
(၃) မလုပ်မပြီးမီ အာရုံမပျောက်အောင် အသိစိတ်ကို အာရုံပေါ်မှာ မိမိရရ စွပ်ထားရမယ်။
(၄)အလုပ်တစ်ခု လုပ်နေတုန်း တစ်ခြားအာရုံကြားဖြတ်ဝင်မလာအောင် စောင့်ရှောက်ရတယ်။ အာရုံကို သတိရဲ့ အစီအစဉ်အတိုင်း လာစေရမယ်၊ အစီအစဉ်ကင်းမဲ့တဲ့ အာရုံတွေကို လက်ခံ ထားခြင်ဟာ ရှုပ်ထွေးတဲ့ အလုပ်ဖြစ်တယ်။

အာရုံရှုပ်တော့ အသိရှုပ်တယ်။ အသိရှုပ်တာ ကို အလုပ်တယ်လို့ ပြောနေကြတာ၊ အမှန်က အရှုပ်လုပ်နေကြတာပါ။ အရှုပ် လုပ်လို့ အသိ ရှုပ်ပြီး စိတ်ရှုပ်ရတာပါ။
ဘာအလုပ် လုပ်လုပ် ၊ ဘယ်လောက် အလုပ်များများ၊ သတိနဲ့ မပြတ် အောင် စောင့် ကြည့်တတ်ရင် အာရုံမရှုပ်တဲ့တွက် အသိလည်း မရှုပ်၊ စိတ်လည်း မရှုပ်ပါဘူး၊ အရပ်စကားမှာ အလုပ်များကိုပဲ အလုပ်ရှုပ်တယ်လို့ ပြောကြပါတယ်။

အဲဒီစကားအရ ပြောရရင်" အလုပ်ရှုပ်တာဟာ စိတ်ရှုပ်စရာလည်း မဟုတ်ဘူး၊ နောက်ဆက်တွဲ အကျိုး လည်း မရှုပ်ပါဘူး။ အရှုပ်လုပ်တာက စိတ်လည်း ရှုပ်ရ တယ်၊ နောက်ဆက်တွဲ အကျိုး တွေလည်း ရှုပ်လာမယ်"လို့ပဲ ပြောရပါလိမ့်မယ်။

(၅)ဘာပဲလုပ်လုပ် အလုပ်မပြီးမချင်း ရှေ့အသိနဲ့ နောက်အသိ စပ်ထားပါ။ အသိချင်း ကွာသွားရင် ပမာဒ ကြားဝင်လာတဲ့အတွက် မဓာနအလုပ် အာရုံမျက် ခြည် ပြတ်ပြီး ကြားဝင် လာတဲ့ အာရုံ အရှုပ်တွေနောက် လိုက်မိသွားမယ်။ အဲဒါဟာ အရှုပ်လုပ်တာပါ။ အသိရှုပ်၊ စိတ်ရှုပ်ရတာဟာ ဒါကြောင့်ပါ။ သမာဓိပျက်ရတယ် ၊ စိတ်မတည်ငြိမ်ဘူး ဆိုတာလည်း ဒါကိုပဲ ပြောတာပါ။

အာရုံရှုပ်ရင် အသိရှုပ်၊ စိတ်ရှုပ်၊ အာရုံရှင်းရင် အသိရှင်း၊ စိတ်ရှင်းရပုံနဲ့ ပတ်သက်လို့ မြတ်စွာဘုရားရှင် ပေးတဲ့ ဥပမာနဲ့ မိုးပြီး ပြောရရင်တော့-
အောက်ခြေ၀န်းကျင်က စိမ့်ရေတွေ အမြဲထွက်ပြီး အလွန်နက်တဲ့ ရေအိုင်ကြီးတစ်အိုင်၊ လေးဖက်လေးတန်း ကလည်း ရေတွေ စီးဝင်နေမယ်၊ အထက်ကလည်း မိုးတွေ တဝေါဝေါ ရွာချနေမယ်၊ အဲ ဒီလို "ရှေ့ နောက် ၀ဲ ယာ အထက်" ဆိုတဲ့ ငါးဖက်ငါးတန်က ရေတွေ ဒလဟော ၀င်နေမယ် ဆိုရင် အဲဒီ ရေအိုင်ကြီးဟာ ရေမျက်နှာပြင် လှုပ်ရှားနေမယ်၊ အဲဒီလို လှုပ်နေတဲ့ ရေပြင်မှာ မိမိမျက်နှာကို ငုံ့ပြီးကြည့်ကြည့် ပုံရိပ်မှန် မပေါ်နိုင်သလို ဘာမှ ရှင်းရှင်း လင်းလင်း မသိနိုင်ဘူး။

လေးဘက်လေးတန်ကလည်း ရေတွေစီးမ၀င်တော့၊ အပေါ်ကလည်း မိုးမရွာတော့ဘူး၊ အပြင်မှာရှိတဲ့ ငါးဖက်က ရေတွေ မ၀င်တော့ဘဲ အတွင်းက စိမ့်ရေလေး နဲ့သာ ပြည့်နေတဲ့ အိုင်ကြီးဆိုရင် ရေမျက်နှာပြင် ငြိမ်သက်နေတဲ့ အတွက် မိမိမျက်နှာကို ငုံ့ကြည့်လိုက်ရင် နဂို ပုံရိပ်မှန်ပေါ်ပြီး မှဲ့၊ ညှင်း၊ တင်းတပ်၊ ၀က်ခြံ အစက် အပြောက် ကလေးပါ မကျန် မြင်ရ နိုင် တယ်။ အပြင်က ရေတွေ၊ မိုးတွေ ၀င်နေတာက အပြင် အာရုံတွေ ကြားဝင်ရှုပ်တဲ့ သဘော၊ ရေမျက်နှာပြင် လှိုင်း လှုပ်နေတာက စိတ်ရှုပ်တဲ့သဘော( သမာဓိပျက်တဲ့ သဘော) ။ ဘာမှ ပီပီပြင်ပြင် မမြင်၊ မသိရတာက အသိရှုပ်တဲ့သဘောပါ။

အပြင်က ရေတွေ မ၀င်တော့ဘဲ စိမ့်ရေ လေးသာ ရှိတယ် ဆိုတာက အပြင်အာရုံ တွေ မရှုပ်စေဘဲ "မနော"ဆိုတဲ့အတွင်းစိတ် ကလေး ကို သတိနဲ့ ကပ်ထားတဲ့ သဘော၊ ရေမျက်နှာပြင် ပြငိမသက်တာက စိတ်မရှုပ်တော့ဘဲ သမာဓိ ဖြစ်နေတဲ့ သ ဘော၊ မျက်နှာကို အသေးစိတ် သိမြင်ရတာက အမြင်ရှင်း၊ အသိရှင်း( ၀ိပဿနာ ပညာဖြစ်)  တဲ့ သဘောပါ။

(၆) အလုပ်တိုင်း အရေးကြီးတယ်။ (အရေးပါစေပါတယ်)။
မဇ္ဈိမခရီးသည်တို့ရဲ့ လုပ်ခဆိုတာ ကုန်သွားသမျှ "အား"ဖြစ်ရတာါပဲ။ ကုန်ဆုံးခြင်းရဲ့ ရလာဒ်ဟာ စွမ်းအား ဖြစ်စေရပါမယ်။ ဒါကြောင့် မဇ္ဈိမခရီးမှာ အရေးမကြီး တဲ့(အရေးမပါတဲ့) အလုပ်ဆိုတာ မရှိပါဘူး။ စားတာ၊ သွားတာ၊ ကျင်ကြီး ကျင်ငယ် စွန့်တာအထိ( မဟာသတိပဋ္ဌာနသုတ်မှာ ပါတဲ့အတိုင်း) လှုပ်ရှားမှု မှန်သမျှ အလုပ်တိုင်းရဲ့ နောက်မှာ "အသိ" ဆိုတဲ့ လုပ်ခတန်ဖိုး ပေးတာချည်းပါပဲ မိမိက ရယူနိုင်အောင် မပြတ် "သတိ"ထားနေရမှာပါ။

ထင်းကို အမှတ်မဲ့ မီးရှို့ထားရင် ထင်ကုန်တဲ့အခါ "ပြာ"ပဲ ကျန်မှာပါ။ ထင်းမှာ မီးလောင် နေတယ်ဆိုတာ သတိထားမိသူ အတွက်တော့ အိုးထဲမှာ ဆန်နဲ့ရေ အလောတော် ထည့်ပြီး တည်ထားလိုက်ရင် ထင်ကုန်သလောက် "ထမင်း" အမြတ် ကျန်ခဲ့တဲ့ သဘောပါပဲ။ "သတိထား အသိပွားနိုင်ကြပါစေ"ဆိုတာ ဒါကို ပြောတာပါ။
သတိ အမြဲရှိရေးအတွက် အခြေခံ ထားရှိရမယ့် မူသုံးချက် ရှိပါတယ်။

(၁) ဘာမဆို အေးအေးဆေးဆေး လုပ်ပါ။  သတိ သမာဓိရှိဖို့ ပြောတာပါ။ အောင်ပွဲရဖို့ဆိုတာ တာထွက်လိုက်တာနဲ့ ပန်းတိုင်ကို မျက်ခြည်မပြတ်ဖို့၊ သေချာဖို့ လိုပါတယ်။ အလုပ်မှာ စူးစိုက် တည်ငြိမ်အေးချမ်းဖို့ အရေးကြီးပါတယ်။ ဒါမှ ပစ္စုပ္ပန် သေချာမှာပါ။ ပစ္စုပ္ပန်ကို တန်ဖိုးထားဖို့
ဆိုတာလည်း ဒါကိုပဲ ပြောတာပါ။

(၂) "မအားဘူး"လို့ မပြောပါနဲ့၊ လူဆိုတာ နတ်များလို ကံဟောင်းကို ထိုင်စားနေတဲ့ ဘ၀မဟုတ်လို့ စား ၀တ်နေရေးအတွက် အလုပ်လုပ်နေရတယ်။ ရှိတာကို သိအောင် လုပ်ပါ၊ သတိနဲ့ကပ်ပြီး ကြည့်တတ်ရင် အလုပ်များတာဟာ တရားဝင်ပေါက်တွေ များတာပဲလို့ အားရှိ စရာ ကို တွက်တတ်ဖို့ လိုပါတယ်။
အလုပ်နဲ့ တရား တွဲမိအောင် သတိက အမြဲ စေ့စပ် ပေးနေ ဖို့ လိုပါတယ်။

(၃) မဇ္ဈိမခရီးသည်တို့ရဲ့ အစွမ်းက ကုန်သွားတာဟာ "အား" ပဲ၊ ကုန်ဆုံးခြင်းရဲ့ နောက်မှာ စွမ်းအားရလာဒ် ကျန်နေခဲ့ရမယ်။ လူရဲ့ လက်ထဲမှာ ရှိနေတဲ့ သက်ရှိ သက်မဲ့ မှန်သမျှ  ကိုယ်လိုချင်သလောက် ရှိနေကြမှာ မဟုတ်ဘဲ သူ ရှိ နိုင်သလောက်သာ ရှိနေပြီး ကန့်သတ်ချိန် ပြည့်ရင် ကုန်ဆုံးပျောက်ကွယ်မြဲ ဖြစ်တယ်။ "ထင်း"ကုန်ရင် "ထမင်း"ကျန် ရစ်စေရမယ်လို့ အမြဲ ခံယူချက်ထားပါ။ ဒီ အခြေခံမူ သုံးခုကိုတော့ လက်မလွှတ်မိပါစေနဲ့။

"ဟင်း"တိုင်းမှာ "ဆား" သင့်ဖို့ အရေးကြီးသလို မဇ္ဈိမခရီးသည်ဟာလည်း ကိုယ်၊ နှုတ်၊ စိတ် လှုပ်ရှားမှုတိုင်း သတိအမြဲရှိဖို့ လိုအပ်လှတဲ့အတွက် ဒီလောက် အပြည့်အစုံ ပြောနေရ တာပါ။ ဘုရားရှင် သက်တော် ထင်ရှား ရှိစဉ်က ဆိုရင် နေ့ခင်း ဆွမ်းဘုဉ်းပေးပြီးချိန်တိုင်း ရဟန်းတော်တို့ကို "အပ္ပမာဒေန သမ္ပာဒေထ= သတိနဲ့ ပြည့်စုံစေကြ"လို့ နေ့စဉ် ဆုံးမတော်မူပါ သတဲ့၊ နောက်ဆုံး ပရိနိဗ္ဗာန် စံခါနီး ဆဲဆဲ တဲတဲကလေး လိုတော့တဲ့ အချိန်မှာလည်း နောက်ဆုံး သြ၀ါဒ အနေနဲ့ ဒီစကားကိုပဲ မိန့်ကြားသွားပါတယ်။

နောက်ဆုံးစကား ဆိုတာ အလေးထားတတ်ကြမြဲ ဖြစ်တဲ့အတိုင်း အလွန်ကို အလေးအနက် ထားစေချင်တဲ့ မဟာ ကရုဏာတော်ရှင်ရဲ့ ကရုဏာ စကားတော်ဟာ တစ်သာသနာလုံးအတွက် အရေးပါဆုံး စကားပါပဲ။ ဒါကြောင့်လည်း အဋ္ဌကထာ ဆရာတော်က ဒီနောက်ဆုံး စကားတော်ဟာ ၄၅-၀ါပတ်လုံး ဟောကြားသမျှတို့ကို ခြုံငုံမိစေတဲ့ မှာတမ်းတော် ဖြစ်တယ်လို့ မှတ်ချက်ချပါတယ်။

ဘယ်အရာမဆို "အကျင့်ပါတယ်"ဆိုတာ အကြိမ်များမှ ဖြစ်လာတာပါ။ အကြိမ်များ တယ်ဆိုတာ ဟာလည်း တစ်ကြိမ်က စ ရတာချည်းပါပဲ။ အကြိမ်များလို့ အကျင့်ပါလာပြီ ဆိုရင်တော့ "သတိ" ဟာ ကိုယ်က ကြောင့်ကြစိုက်ပြီး ထားနေရတဲ့ "ထားသတိ" အဆင့်ကနေ အမြဲအသင့်ရှိနေတဲ့ "မြဲသတိ" အဆင့် ရောက်လာပါတယ်။ ဘယ်အချိန်မဆို ဘယ်လို အာရုံနဲ့ တွေ့တွေ့ အမြဲ သတိရှိနေရင် ပမာဒ ကြားမ၀င် နိုင်တော့တဲ့အတွက် သမာဓိသိက္ခာလည်း လုံခြုံ ပြီး ပညာသိက္ခာပါ ပြည့်စုံသွား ပါတော့တယ်။


ပညာသိက္ခာ ပြည့်စုံပြီဆိုရင် ကိလောသာတွေဟာ ခွာရတဲ့ အခြေအနေတွေကနေ ကွာ ကျတဲ့ အခြေအနေ ရောက်သွားပါတယ်။ မဂ်ပညာနဲ့ ဖယ်ခွာပြီးတဲ့ ကိလေသာများတာ နောက်ထပ် ဘယ်တော့မှလည်း ဖြစ်ခွင့် မရတော့ပါဘူး။ ဒါဟာ မဇ္ဈိမခရီးသည်တို့ရဲ့ ပန်းတိုင် ရောက်ပြီး ပြည့်စုံမှုပဲ ဖြစ်ပါတယ်။

အေးအေးဆေးဆေး သတိ ထား၊ အသိ ပွားနိုင်ကြပါစေ။
ဓမ္မဘေရီအရှင်ဝီရိယ(တောင်စွန်း)

Thursday, June 26, 2014

မာယာ - သာဌေယျ


မာယာ - သာဌေယျ 

မာယာသည် မိမိ၌ ထင်ရှားရှိသော အပြစ်ကို ဖုံးလွှမ်းခြင်း သဘောလက္ခဏာ ရှိ၏။ သာဌေယျကား မိမိ ၌ ထင်ရှားမရှိသောဂုဏ်ကို ချီးမွမ်းခြင်း သဘောလက္ခဏာ ရှိ၏။ ဤမာယာနှင့် သာဌေယျအရ တဏှာလောဘ ကိုပင် တရားကိုယ် ကောက်ယူရ၏။

    မာယာသည် မျက်လှည့်သမားနှင့် တူ၏။ မျက်လှည့်သမားသည် ကျောက်ခဲကို ကောက်ယူ၍ ရွှေတုံးရွှေခဲ ထင်အောင် လှည့်စားနိုင်သကဲ့သို့ ဤမာယာသည်လည်း လူတစ်ဘက်သား အထင်မှားအောင် မိမိမှာရှိသော အပြစ်ကို ဖုံးကွယ်တတ်လေသည်။ မိမိမှာ အပြစ်ရှိပါလျက် မရှိသလို ဟန်ဆောင်တတ်ပေသည်။ ကြောင်သူတော်ဟု လူအများက လောက၌ ခေါ်ဝေါ်သုံးစွဲနေသော စိတ်ဓာတ် တစ်မျိုးပင် ဖြစ်သည်။ ဘုရားအစရှိသော အရိယာ သူတော်ကောင်းတို့ကား မိမိ၌ ထင်ရှားရှိသော အပြစ်ကို အပြစ်အားလျော်စွာ ထင်စွာ ပြုခြင်း ကုစားခြင်းကိုသာ နှစ်ခြိုက်တော်မူကြ၏။

    မိန်းမတို့မာယာ သဲကိုးဖျာ --- ရှေးသရောအခါ တက္ကသိုလ်ပြည်ဝယ် ဒိသာပါမောက္ခဆရာကြီး၌ တပည့် တစ်ယောက် ရှိလေသည်။ ထိုတပည့်၏ မိန်းမသည် အခြားယောက်ျားနှင့် ဖောက်ပြားလေ့ရှိ၏။ ထိုဖောက်ပြား သောနေ့၌ကား မိမိ၏ ခင်ပွန်းကို ခါတိုင်းထက် ပို၍ ယုယ၏၊ မဖောက်ပြားရသောနေ့၌ကား ကျွန်ကဲ့သို့ သဘော ထားလျက် စော်စော်ကားကား ပြုမူ ဆက်ဆံလေ့ရှိ၏။ ထိုကဲ့သို့ ထူးခြားသော အမူအရာကို နားမလည်ရှာ၍ စိတ်ရှုပ်ထွေးလာသော တပည့်က မိမိဆရာကြီးကို ပြောပြလေရာ ဆရာကြီးက မိန်းမတို့၏ ပြုမူတတ်ပုံ သဘာဝမှန်ကို ဉာဏ်ဖြင့် နှိုင်းဆ၍ အမှန်အတိုင်း ပြောပြလေသည်။

    ဤဝတ္ထု၌ လာရှိသော အမျိုးသမီးသည် အခြားယောက်ျားနှင့်  ဖောက်ပြားသောနေ့ဝယ် မိမိ၏ အပြစ်ကို ကွယ်ကာလိုသောကြောင့် ခင်ပွန်းရင်းအပေါ်မှာ များစွာကြင်နာဟန်ဆောင်လေသည်။ ထိုကြင်နာဟန်ဆောင်မှုသည် ဤမာယာပင်တည်း။ ဤမာယာကိုပင် အချို့အရာ၌ = တင်္ခဏုပ္ပတ္တိဉာဏ် = ရုတ်တရက် ဖြစ်ပေါ်လာသော ဉာဏ်ဟုလည်း ခေါ်ဝေါ်သုံးစွဲကြ၏။ အမှန်မှာ ဉာဏ် မဟုတ်ပါ။ မာယာပင် ဖြစ်သည်။

    ရသေ့ မာယာ --- အမျိုးသမီးတို့၌သာ မာယာရှိသည် မဟုတ်။ ယောက်ျားယုတ်တို့၌လည်း မာယာရှိသည်သာ ဖြစ်၏။ ရှေးသရောအခါ ရွာတစ်ရွာဝယ် ဒါယကာတစ်ယောက် ကိုယ်းကွယ် ဆည်းကပ်ထားသော ဆရာရသေ့ တစ်ဦး ရှိခဲ့ဖူးလေသည်။ ခိုးသူဘေးကြောင့် ရွှေစင်နိက္ခတစ်ရာကို ရသေ့ကမ္မဋ္ဌာန်းကျောင်း အနီးအပါး၌ မြှုပ်ထား ပြီးလျှင် ''အရှင်ဘုရား ...သတိပြုလိုက်ပါ''ဟု မှာထားသွား၏။ ထိုအခါ ဆရာရသေ့က ''ဟဲ့ ဒါယကာ ... ရသေ့ရဟန်းတို့ကို ယခုလို ကြည့်ရှုရစ်ရန် မမှာကောင်းဖူး။ ငါတို့အဖို့ကား သူတစ်ပါး၏ ဥစ္စာ၌ လောဘမည်သည် မရှိပါ။'' --- ဟု မိန့်ကြားလိုက်လေသည်။

    ထိုနောက် ရသေ့ အကြံဖြစ်သည်မှာ --- ''ရွှေစင်နိက္ခတစ်ရာလောက်ဆိုလျှင် လူ့ဘောင်မှာ ချောင်ချောင် လယ်လယ် ရှိပြီ။'' --- ဟု ကြံလျက် ထိုရွှေများကို မိမိသွားမည့် လမ်းအနီး၌ ရွှေ့ပြောင်း မြှုပ်ထားလိုက်၏။ နောက်တစ်နေ့နံနက် ဆွမ်းစားအပြီးတွင် --- ''ဒါယကာ ...ဒါယကာတို့ကို အမှီပြု၍ နေခဲ့ရသည်မှာ အတော် ကြာညောင်းခဲ့လေပြီ။ ကြာလွန်းတော့လည်း သံယောဇဉ် ဖြစ်တတ်သည်။ သို့ဖြစ်၍ တစ်ခြားအရပ်သို့ သွားဦးမည်'' ဟု ပြောပြလေရာ, ဒါယကာကလည်း အခါခါ တားတော်မူလေရှာသည်။ ဘယ်လိုပင် အခါခါတားသော်လည်း တားမရသောကြောင့် ရွာတံခါးထိအောင်ပင် လိုက်၍ ပို့ရှာလိုက်သေးသည်။

    ထိုနောက် အတန်ကြာအောင် တော်တော်ကလေး ခရီးသွားရောက်ပြီးကာမှ တစ်ဖန်ပြန်လာ၍ --- ''ဒါယကာ သင်တို့အိမ်၏ အမိုးက သက်ငယ်မြက် တစ်မျှင်သည် ငါ၏ ဆံကျစ်အကြား၌ ငြိကပ်၍ ပါလာသည်။ ရသေ့ရဟန်း ဆိုတာ ပိုင်ရှင်တို့က မပေးမလှူအပ်သောအရာကို မြက်တစ်ပင်မျှ သော်လည်း မယူကောင်းပါ'' --- ဟု ပြောပြလေ၏။ ရိုးသားရှာသော ဒါယကာကလည်း ''ငါ၏ ဆရာရသေ့သည် သိပ်ပြီး သီလရှိတာဘဲ'' --- ဟု လေးလေးပင်ပင် ကြည်ညိုသွားလေသည်။

    သို့ရာတွင် ထိုအခါ၌ ထိုဒါယကာ၏အိမ်ဝယ် အလောင်းတော်ပညာရှိ ဖြစ်သည့် အတော်ပါးနပ်သော ဧည့်သည်တစ်ယောက် ရောက်ရှိနေသဖြင့် ထိုဧည့်သည်က --- '' မိတ်ဆွေ ...မိတ်ဆွေ၏ ဆရာ့ထံမှာ ဘာများ အပ်နှံထားပါသလဲ။ အပ်ထားလျှင် ထိုပစ္စည်း ရှိသေး၏ မရှိသေး၏ကို သွားကြည့်စမ်းပါ။'' --- ဟု သတိပေးမှ သွား၍ ကြည့်လေရာ ရွှေများ မရှိတော့၍ ဧည့်သည်နှင့်အတူ ရသေ့နောက်သို့ အမြန်လိုက်ကြသောအခါ ရွှေများ နှင့်တကွ ရသေ့ကို လက်ရဖမ်းမိကြလေသည်။ (ဇာတက၊ဋ္ဌ၊၁၊၃၉၈-၃၉၉။ ကုဟကဇာတ်။)

    ဤဝတ္ထု၌ ရသေ့၏ မိမိရွှေခိုးမှု ပေါ်မည်စိုး၍ သက်ငယ်မြက် တစ်ပင်ကိုပင် ပြန်၍ပေးခြင်းသည် ဤ မာယာပင် ဖြစ်၏။ ဤသို့လျှင် ပရိယာယ်မာယာသည် ရသေ့ရဟန်းအချို့သို့တိုင်အောင် ပျံ့နှံ့လျက် ရှိရကား ယခုကဲ့သို့ ''ပရိယာယ်တစ်ထောင် မာယာတစ်သိန်း, အပလိန်းအနန္တ သဲကိုးဖျာ မလောက်လို့ ရှားကိုးပင်က ရှား ရွက်တွေကို ရောနှောက်၍ ရေတွက်ရသည်။'' ဟူသော ဉာဏ်နီ ဉာဏ်နက် အပွေအလီတွေ ပေါများလွန်းလှသော မာယာတွေ ရေလိုလေလို ပေါများနေသော ခေတ်ကာလ၌ လုံးဝပုံ၍ ယုံကြည်ထိုက်သူ နည်းပါးသောကြောင့် ရိုးသားဖြောင့်မတ်သူ သူတော်ကောင်းများနှင့် ပေါင်းသင်းဆက်ဆံမိဖို့ အရေးမှာ ပုဗ္ဗေ စ ကတပုညတာစက် ဟူသော ရှေးကံကောင်း ထောက်မမှသာလျှင် ဖြစ်နိုင်ကြပေလိမ့်မည်။

    သာဌေယျ --- အခြားသူတို့ အထင်ကြီးအောင် မိမိမှာ မရှိသော ဂုဏ်ကို ရှိဟန် ဆောင်တတ်သော လောဘ တစ်မျိုးကိုပင် သာဌေယျဟု ခေါ်သည်။ မာယာကား ရှိသောအပြစ်ကို ဖုံးကွယ်၍ မိမိမှာ အပြစ်ကင်းဟန်ဆောင်၏။ သာဌေယျကား မိမိမှာ မရှိသော ဂုဏ်ကို ရှိဟန်ဆောင်သည်။ ထိုနှစ်မျိုးလုံးပင် အလိမ်ဉာဏ် အပလီဉာဏ် အကောက်ဉာဏ်မျိုးချည်းတည်း။ သီလ မရှိဘဲ သီလရှိဟန်,  သမာဓိ မရှိဘဲ သမာဓိရှိဟန်, ပညာ မရှိဘဲ ပညာ ရှိဟန်, အကျင့် မကောင်းဘဲ အကျင့်ကောင်းဟန်, စာပေကျမ်းဂန် မတတ်ဘဲ စာပေကျမ်းဂန်တတ်ဟန် ဟန် ဆောင်ခြင်းဟူသမျှသည် သာဌေယျချည်းပင်တည်း။

    လူလောက၌လည်း သီလ သမာဓိ ပညာ မရှိပါဘဲလျက် ရှိလေဟန်ဆောင်မှု, ဘွဲ့ မရဘဲ ဘွဲ့ရဟန်ဆောင်မှု, ပစ္စည်းဥစ္စာ မရှိပါဘဲလျက် ပစ္စည်းဥစ္စာ ရှိဟန်ဆောင်မှု, လူတကာ အထင်ကြီးအောင် သူတစ်ပါး၏ လက်ဝတ် တန်ဆာ စိန်ရွှေရတနာ အဖြာဖြာတို့ကို ငှားရမ်း ဝတ်ဆင်မှု, စွမ်းရည်သတ္တိ မရှိဘဲ သတ္တိရှိဟန်ဆောင်မှု, ဟိတ်ဟန် ထုတ်မှု စသည်တို့သည်လည်း သာဌေယျပင်တည်း။

ဗိဠာရဝတ ဇာတ်တော်

    သုံးလောကထွတ်ထား သဗ္ဗညုသမ္မာသမ္ဗုဒ္ဓဘုရားရှင်သည် ဇေတဝန်ရွှေကျောင်း၌ ကိန်းအောင်းမွေ့လျော် နေစံပျော်တော်မူဆဲအခါတွင် သီလ သမာဓိ ပညာ သိက္ခာသုံးရပ် အကျင့်မြတ်တို့ မိမိသန္တာန်ဝယ် ထင်ရှားမရှိပါ ဘဲလျက် ရှိနေဟန်ဆောင်သော ဒါယကာ ဒါယိကာမတို့၏ စိတ်အစဉ်ဝယ် အံ့ဖွယ်သရဲ ဖြစ်စေတတ်သော ရဟန်း တစ်ပါးကို အကြောင်းပြု၍ ဤဗိဠာရဝတဇာတ်တော်ကို ဟောကြားတော်မူလေသည်။

    အတိတ်ဘဝတစ်ခုဝယ် ဘုရားအလောင်းတော်သည် ကြွက်မျိုး၌ ပဋိသန္ဓေ တည်နေရသော် တဖြည်းဖြည်း ကြီးပြင်းလာသောအခါ ခန္ဓာကိုယ်ကား အလွန်ကြီးထွားသဖြင့် ဝက်ငယ် တစ်ကောင်နှင့် တူသည်ဖြစ်၍ များစွာသော ကြွက်အပေါင်း ခြံရံလျက် တောထဲ၌ နေ၏။

    တစ်နေ့တွင် မြေခွေးတစ်ကောင်သည် ထိုထိုဤဤ လှည့်လည်ကျက်စားရင်းပင် ကြွက်အပေါင်းကို မြင်တွေ့ ရ၍ --- ''ဤကြွက်တို့ကို လှည့်ပတ်ဖြားယောင်းလျက် စားပေအံ့'' --- ဟု စိတ်အကြံ ဖြစ်၍ ကြွက်တို့၏ နေရာနှင့် မလှမ်းမကမ်း တစ်နေရာတွင် နေဘက်သို့ မျက်နှာမူလျက် လေကိုသောက်လျက် ခြေတစ်ဘက်တည်းဖြင့် ရပ်တည် နေ၏။

    ဘုရားအလောင်းတော်ကြွက်သည် အစာရှာဖွေရန်အလို့ငှာ လှည့်လည်လတ်သော် ထိုမြေခွေးကို တွေ့မြင် သောအခါ --- ''ဤသူကား သီလရှိသူ ဖြစ်ပေလိမ့်မည်'' --- ဟု ယုံကြည်၍ ထိုမြေခွေးထံသို့ သွားရောက်ကာ - ''အရှင်ဘုရား ...အရှင်ဘုရားသည် အဘယ်အမည်ရှိပါသနည်း'' --- ဟု လျှောက်ထားကြည့်သောအခါ ''ဓမ္မိက'' အမည်ရှိကြောင်း မြေခွေးက ပြန်ပြောလေ၏။

ခြေထောက် လေးချောင်းလုံးတို့ကို မြေကြီးပေါ်၌ ရပ်တည်မထား ဘဲ အဘယ်ကြောင့် ခြေထောက် တစ်ချောင်းတည်းဖြင့်သာလျှင် ရပ်တည်၍ နေပါသနည်းဟု မေးမြန်းသောအခါ  ''ငါ၏ အခြေ လေးချောင်းတို့ကို မြေကြီးပေါ်၌ ချထားလိုက်သော် မဟာပထဝီမြေကြီးသည် ငါ့ကို ရွက်ဆောင် ထားဖို့ရန် မစွမ်းနိုင်သောကြောင့် ခြေထောက် တစ်ချောင်းတည်းဖြင့်သာလျှင် ရပ်တည်နေရပါ၏'' --- ဟု ပြန် ပြောလေ၏။

    ''ပါးစပ်ကို ဖွင့်ဟ၍ အဘယ်ကြောင့် ရပ်တည်နေပါသနည်း''ဟု မေးကြည့်သောအခါ --- ''ငါသည် အခြား သော အစားအစာကို မစားပါ၊ လေကိုသာ စားပါ၏'' --- ဟု အဖြေပေးပြန်၏။
    ထိုသို့ဖြစ်လျှင် အဘယ်ကြောင့် နေကို မျက်နှာမူလျက် ရပ်တည်နေပါသနည်းဟု မေးသောအခါ ''နေကို ရှိခိုးပါ၏''ဟု ဖြေဆိုပြန်၏။

    ဘုရားအလောင်းတော်ကြွက်သည် ထိုမြေခွေး၏ စကားကို ကြား၍ ''ဤမြေခွေးသည် သီလရှိသောသူ ဖြစ်ပေလိမ့်မည်''ဟု နှလုံးပိုက်၍ ထိုနေ့မှ စ၍ ကြွက်အပေါင်းနှင့် အတူတကွ ညဥ့် နံနက် ထိုမြေခွေးအား ဆည်းကပ်ခစား၏။

    ထိုအခါ မြေခွေးအား ကြွက်အပေါင်းက ဆည်းကပ်ခစားလာသောအခါဝယ် မြေခွေးသည် နောက်ဆုံးဘိတ် ကြွက်တစ်ကောင်ကို ဖမ်းစားပြီးနောက် ပါးစပ်ကိုသုတ်၍ ရပ်တည်နေ၏။ တဖြည်းဖြည်း ကြွက်အပေါင်းသည် နည်းပါးလာ၏။ ထိုအခါ ကြွက်တို့က ဤသို့ စဉ်းစားမိကြ၏ --- ''ရှေးယခင်အခါတုန်းက ငါတို့၏ ဤနေရာသည် မဆန့် ဖြစ်နေ၏။ အကြားအလပ်မရှိ တည်နေကြ၏။ ယခုအခါ၌ကား လျော့လျော့ရဲရဲ ကျိုးကျိုးကျဲကျဲ တည်နေ ကြရ၏၊ ဤသို့ တည်နေရသော်လည်း ငါတို့၏ တည်နေရာသည် (= ကြွက်တွင်းသည်) မပြည့် ဖြစ်နေ၏၊ ဤ အကြောင်းကား အသို့နည်း''ဟု စဉ်းစားမိကြ၏။

    ဘုရားအလောင်းတော်အားလည်း ထိုအကြောင်းကို ပြောပြကြ၏။ ဘုရားအလောင်းတော် သည်လည်း စဉ်းစား ဆင်ခြင်တော်မူလတ်သော် မြေခွေးအပေါ်၌ သံသယမကင်း ဖြစ်နေသဖြင့် မြေခွေးကို စူးစမ်းဖို့ရန် ဆုံးဖြတ်ချက် ချလိုက်၏။ မြေခွေးထံသို့ ဆည်းကပ်ခစားရန် သွားသောအခါ၌ အခြားကြွက်တို့ကို ရှေ့က သွားစေ၍ မိမိက နောက်မှ လိုက်သွား၏။ မြေခွေးသည် ထိုဘုရား လောင်းကြွက်၏ အထက်၌ ခုန်အုပ်ဖို့ရန် ဘုရားလောင်း ကြွက်ထံသို့ ပြေးလာ၏၊ ဘုရားလောင်း ကြွက်ကလည်း မိမိကို ခုန်ဖမ်းဖို့ရန် ပြေးလာသော ထိုမြေခွေးကို မြင်၍ နောက်သို့ပြန်ဆုတ်ကာ ---

    ''အိုမြေခွေး ...သင်၏ ဤကျင့်ဝတ်ကို ဆောက်တည်ထားခြင်းသည် တရားတော်၏ ကောင်းသော တရား ဓမ္မ ဖြစ်သောကြောင့် ဤကျင့်ဝတ်ကို ဆောက်တည်၍ ကျင့်သည်ကား မဟုတ်၊ သူတစ်ပါးတို့အား ညှဉ်းဆဲလို သည့်အတွက် တရားကို တံခွန်အလံ ပြု၍ လှည့်လည်ကျက်စားဘိ၏။'' --- ဤသို့ ပြောဆို၍ အောက်ပါ ဂါထာကို ရွတ်ဆိုလေ၏ ---
ယော ဝေ ဓမံ္မ ဓဇံ ကတွာ၊ နိဂူဠှော ပါပမာစရေ။

ဝိဿာသယိတွာ ဘူတာနိ၊ ဗိဠာရံ နာမ တံ ဝတံ။ (ဇာ၊ဋ္ဌ၊၁၊၄၈၆။)
    အကြင်သူသည် စင်စစ်အားဖြင့် ကုသိုလ်ကမ္မပထတရား (၁ဝ)ပါးတည်းဟူသော တရားတံခွန် အလံကို တောင်ထွတ်ကဲ့သို့ အလေးဂရုပြုကာ ဆောင်းမိုးစိုက်ထူလျက်, ''ဤသူကား သီလ ရှိသူတည်း''ဟူသော အမှတ် သညာဖြင့် အကျွမ်းဝင်အောင် ပြုလုပ်၍ မကောင်းမှုကို လျှို့ဝှက်ကာ ပြုကျင့်နေ၏၊ ဤကဲ့သို့ တရားတည်းဟူသော အလံတံခွန်ကို စိုက်ထူဆောင်းမိုးလျက် ဆိတ်ကွယ် ရာ၌  မကောင်းမှုတို့ကို ပြုနေသောသူသည်ကား စင်စစ်အားဖြင့် ကောက်ကျစ်စဉ်းလဲသောအကျင့် ရှိသော ကြောင်သူတော်ပင်တည်း။ (ဇာတက၊ဋ္ဌ၊၁၊၄၈၆။)

    ထိုအခါက မြေခွေးသည်ကား ယခုအခါ၌ သီလ သမာဓိ ပညာ စသည် အကျင့်မြတ် မရှိပါဘဲလျက် ရှိဟန်ဆောင်ကာ ဒါယကာ ဒါယိကာမတို့ အထင်ကြီးအောင် ပြုမိရှာသော ကုဟကဘိက္ခု ခေါ်သော ရဟန်းတော် ပင် ဖြစ်ပေသည်။ ဘဝတစ်ခု၌ လက်ခံ ကျင့်သုံးခဲ့သော ဓာတ်ငွေ့တို့ကား အရှိန်အဝါ မကုန်သေးသမျှ သံသရာ အဆက်ဆက်၌ ကပ်၍ ပါလာတတ်သည်ကို သတိပြုသင့်လှပေသည်။

    ဤ မာယာ သာဌေယျတို့သည် ဖြစ်ရိုးဖြစ်စဉ် လိုချင်မှု လောဘထက်ပင် လောက၌ သာလွန်၍ ဆိုးဝါး၏။ တစ်ဦးတစ်ယောက်ကို ဖြစ်စေ လူအများကို ဖြစ်စေ, တစ်တိုင်းတစ်ပြည်လုံးကို ဖြစ်စေ ဘုရား မဟုတ်ပါဘဲလျက် ဘုရားလုပ်နေသူ တိတ္ထိကြီးများတို့ကဲ့သို့ တစ်ကမ္ဘာလုံးကို ဖြစ်စေ လှည့်ပတ်တတ်လေရကား အလွန်ယုတ်မာ ဆိုးဝါးသောတရားဟု ဆိုထိုက်ပေသည်။

ထိုမျှလောက် ဆိုးဝါးသော်လည်း ယခုကာလ၌ အများအပြားပင် ဖြစ်လျက် ရှိသောကြောင့် မိမိကိုယ်ကို ပါရမီရှင် သူတော်စင်ဟု ဆုံးဖြတ်ထားသူတို့သည် ထိုမာယာ သာဌေယျသမား လူအများ တွင် မပါဝင်ကြစေဘဲ မရိုးမသား ဆိုးဝါးသောတရားတို့ကို မိမိသန္တာန်မှာလည်း မဖြစ်အောင် မိမိနှင့် ဆက်သွယ်သူ များ၌လည်း မဖြစ်စေရအောင် အထူးသတိထားပြီးလျှင် ဖြူစင် ထက်မြက် သွက်လက် ဖြောင့်မတ် မြင့်မြတ်သော စိတ်ထားရှိသူချည်းသာ ဖြစ်အောင် ကြိုးစားသင့်ကြပေသည်။

နိဗ္ဗာနဂါမိနိပဋိပဒါ - စတုတ္ထတွဲ-5